Кулун тутар 13 күнүттэн ураты быыстапка тэриллиэҕэ
Быыстапка арт-лаборатория, айар эксперимент быһыытынан толкуйдаммыт, сүрүн болҕомто ыалдьыттары кытта бииргэ үлэлээһиҥҥэ (со-творчество), «саҥа олох» пуормаларын көрдөөһүҥҥэ ууруллуоҕа.
Худуоһунньук Йэн Сур аныгы искусствоҕа экологическай хайысхалаах үлэлэринэн биллэр, туттуллубут кумааҕынан, холобур, кассовай чектэринэн үлэлиир, итилэри графикаҕа уонна арт-эбийиэктэргэ туттар.
«Космос» айар туона балаһааккатыгар худуоһунньук ыалдьыттарга анаан дьикти мастарыскыайын үлэлэтиэҕэ.
Быыстапка кэмигэр 15.00 чаастан 17.00 чааска диэри Йэн Сур баҕалаах дьоҥҥо маастар-кылаастары тэрийиэҕэ, итиэннэ куорат биллиилээх экоактивистарын кытта көрсүһүүлэр буолуохтара.
Маастар-кылааска уонна көрсүһүүлэргэ сыһыаннаах ыйытыылары биэрэр төлөпүөн: 89644254485 (Елена Иннокентьевна).
Быыстапка үлэлиир кэмэ: кулун тутар 13-19 күннэрэ, 11.00 чаастан 19.00 чааска диэри.
Билиэт сыаната: улахан дьоҥҥо – 200 солк., оҕолорго – 150 солк., 5 саастарыгар диэри оҕолорго – киирии босхо. Итиэннэ Пушкинскай каартанан төлүөххэ.
Каасса: 31-90-49.
Аадырыһа: Дьокуускай к., Можайскай уул., 25, 2-с этээс.
Сонуннар
Ордук ааҕаллар
