Коронавирустан өссө 1 киһи олоҕо быһынна

Саха сиригэр ааспыт сууккаҕа 81 киһи коронавирустаата. 56 – Дьокуускайга, 12 – Алдаҥҥа, 4 – Мииринэйгэ, үстүү Намҥа уонна Мэҥэ Хаҥаласка, 2 – Ленскэйгэ, 1 – Тааттаҕа.

Өссө 12 киһи үтүөрэн балыыһаттан таҕыста: 6 – Дьокуускайга, 3 – Алдаҥҥа, 2 – Горнайга, 1 – Хаҥаласка. Дьаҥ тарҕанаҕыттан үтүөрбүт, эмтэммит киһи ахсаана 546 буолла.

Дьокуускайга коронавирустаан тыынар аппаракка холбонон сыппыт дьахтар олоҕо быһынна. Дьаҥ тарҕаныаҕыттан суорума суолламмыт дьон ахсаана 7 буолла.

Ыалдьыбыт киһи ахсаана уопсайа 1357 тиийдэ. 10 киһи Докуускайга ыарахан туруктаах сыталлар. 313 киһи ыарыыны сибикитэ суох аһарынар буоланнар дьиэлэригэр эмтэнэллэр.