09.11.2020 | 08:19

Коронавирустан дьиэҕэ олорон эмтэнии быраабылата уларыйда

Коронавирустан дьиэҕэ олорон эмтэнии быраабылата уларыйда
Ааптар: Киин Куорат

COVID-19 инфекциятынан ыалдьыбыттара аналиһынан бигэргэммит дьон, туспа хостоох буоллахтарына дьиэлэригэр эмтэниэхтэрин сөп. Бу туһунан «Парламентская газета» суруйар.

Быһаарыы Арассыыйа доруобуйа харыстабылыгар министиэристибэтин, сэтинньи 8 күнүттэн күүһүгэр киирэр бирикээһинэн бигэргэннэ. Докумуон билигин амбулаторнай ыарыһахтары эмтээһиҥҥэ туһаныллар регламеҥҥа көннөрүүлэри киллэрэр. Инники коронавирустаабыт, ол эрээри туруктара суһаллык балыыһаҕа киллэриини ирдээбэт дьон дьиэлэриттэн эмтэнэллэрэ, онуоха олорор усулуобуйалара аахсыллыбат этэ.

Мантан ылата уопсайга уонна коммунальнай кыбартыыраҕа олорор, ону тэҥэ саастаах уонна хроническай ыарыылаах дьону кытта бииргэ олорор ыарыһахтар балыыһаҕа киллэриллэр буолуохтара.

Бирикээскэ быраастар дьиэлэриттэн эмтэнэр ыарыһахтары, туруктара мөлтүүр түгэнигэр медицинскэй көмөнү ыҥырыахтаахтарын туһунан, булгуччу сэрэтиэхтээхтэрэ этилиннэ. Коронавирустаабыт ыарыһах дьиэтигэр соҕотох олорбот буоллаҕына, быраас дьиэ иһигэр олорор атын дьоҥҥо ыарыы тарҕанар кутталын уонна атын хоско олоруу ирдэнэрин туһунан кэпсиэхтээх. Ону тэҥэ ыарыһаҕы көрүү-харайыы уонна инфекцияттан көмүскэнии туһунан иһитиннэриилээх брошюра түҥэтиэхтээх.

Онуоха медицинскэй үлэһит олохтоохтору санитарнай-эпидемиологическай быраабылалары кэһии иһин холуобунай эппиэтинэс баарын туһунан сэрэтэрэ булгуччулаах.

Сонуннар

Ордук ааҕаллар

Дьокуускай маастар-былаанын Илиҥҥи экономическай форумҥа билиһиннэриэхтэрэ
Сонуннар | 19.11.2021 | 11:30
Дьокуускай маастар-былаанын Илиҥҥи экономическай форумҥа билиһиннэриэхтэрэ
Саха сиригэр өрөспүүбүлүкэ киин куоратын маастар-былаанын оҥорорго Бүтүн Арассыыйатааҕы куонкуруска бэлэмнэнии саҕаланна. Итиннэ анаммыт пресс-конференцияҕа Ил Дархан Айсен Николаев иһитиннэрбитинэн, Дьокуускай маастар-былаанын аныгыскы Илиҥҥи экономическай форумҥа билиһиннэриэхтэрэ. Куонкуруһу өрөспүүбүлүкэ бырабыыталыстыбатын кытта Дьокуускай территориятын сайынннарыыга сөбүлэҥ чэрчитинэн Үүнэр көлүөнэ Целевой пуондата уонна  «ДОМ.РФ» сайдыы интситута үбүлүөхтээхтэр.  Балаҕан ыйыгар ыытыллыбыт бүтэһик Илиҥҥи...
Дьон сүтэр...
Сонуннар | 16.11.2021 | 11:30
Дьон сүтэр...
РФ Холуобунай ирдэбилгэ кылаабынай управлениета таһаарбыт чахчыларыгар олоҕурдахха, Арассыыйаҕа 2021 сыл бастакы аҥаарыгар 96971 киһи сүппүт, онтон 90670 киһитэ – суһаллык ыытыллыбыт көрдүүр үлэлэр түмүктэригэр көстүбүт. Маны таһынан, дойдубут үрдүнэн бүгүҥҥү күҥҥэ 34626 киһи сураҕа суох сүппүттэр испииһэктэригэр киирэ сылдьар, ол иһигэр, хомойуох иһин, 1776 оҕо. ИДьМ чахчыларынан, дьону көрдүүр...
Хоһоон ааҕыытыгар аһаҕас күрэс
Сонуннар | 24.11.2021 | 16:00
Хоһоон ааҕыытыгар аһаҕас күрэс
Саха АССР төрүттэммитэ 100 сылын кѳрсѳ, Ньурба оройуонун Малдьаҕар нэhилиэгин В.И. Максимов аатынан орто оскуолата 100 сылынан, Малдьаҕар  нэhилиэгин бастакы учуутала,  Дьокуускайдааҕы учительскай семинария бастакы выпускнига (1914-1917с.с)., Ньурба улууһун исполнительнай комитетын бэрэссэдээтэлэ, бэрэссэдээтэл солбуйааччыта (1924-1927 с.с)., Бүлүү уеһын общественнай куттала суох буолуутун комитетын чилиэнэ, продовольственнай уонна сир управаларын бэрэссэдээтэлэ (1923...
Мин Кристина буолбатахпын
Дьон | 16.11.2021 | 17:00
Мин Кристина буолбатахпын
Соторутааҕыта «Саха» НКИХ ханаалыгар «Дьол тааһа» диэн сериал көстөн ааста. Дьон-сэргэ бу киинэҕэ ордук Кристина оруолун ырытта. Бу уустук уобараһы арыйбыт Ева Кузьменко – номнуо хас даҕаны киинэҕэ оонньообут артыыһын ааһан, бэйэтин Үөһээ Дьааҥыттан төрүттээхпин диэн киэн тутта кэпсиир хоту дойду Кэрэ Куота. Хотугу аҕыйах ахсааннаах төрүт омуктар театрдарын артыыһа...