Коронавирустаабыт дьон ахсаана эбиллэр
Бүгүҥҥү, муус устар 18 күнүнээҕи, эпидемиологическай балаһыанньаны Ил Дархан Айсен Николаев үгэс буолбут брифинигэр кэпсээтэ.
Ааспыт сууккаҕа Алдаҥҥа эбии 26 киһи коронавирустаабыта билиннэ - бары обсерваторга эрдэ киллэриллибит дьон.
Дьокуускайга 4 киһи эбилиннэ. Бары тастан кэлбит дьон. Роспотребнадзор кинилэри кытта биир рейсинэн көтөн кэлбит дьону бэрэбиэркэлиир.
Мииринэйгэ коронавирус сабаҕаламмыт дьонун анаалыстара “отрицательнай” буолла, онон онно 1 ыарыһах баар. Атын улуустарга уларыйыы суох.
Чаянда вахтовай бөһүөлэгэр “Газпром” үлэһиттэрэ карантиҥҥа олороллор.
Саха сиригэр коронавирустаабыт киһи ахсаана 77 буолла.
Онтон балыыһаҕа сытаааччыта – 61.
Үтүөрбүт дьон ахсаана – 16.
Сонуннар
Ордук ааҕаллар



