Коронавирустаабыт дьон ахсаана 88 буолла

Муус устар 18 күнүгэр, киэһээҥи туругунан, Саха сиригэр коронавирустаабыт дьон ахсаана 88 буолла. Дьаҥ Дьокуускай куоракка уонна 5 улууска тарҕанна, ол иһигэр Чаянда вахтовай бөлүөлэгэр 11 киһи ыарыйда.

Дьокуускайга – 27.

Алдаҥҥа – 40.

Ленскэйгэ – 5.

Горнайга – 2.

Бүлүүгэ – 2.

Мииринэйгэ – 2.

88 киһиттэн балыыһаттан үтүөрэн тахсыбыта – 16. Билигин 61 киһи балыыһаҕа сытар, 11 ыарыһах вахтовай бөһүөлэккэ бааллар.

Роспотребнадзор специалистара Дьокуускайга, Нерюнгригэ, Мииринэйгэ, Ленскэйгэ, Удачнайга ааспыт нэдиэлэ устата уопсайа 48 сөмөлүөт рейсин, тимир суол станцияларыгар 16 поеһы көрсөн бэрэбиэркэни ыыттылар. Аэропортартан уонна тимир суол станцияларыттан 177 киһи обсерваторга утаарылынна.

Өрөспүүбүлүкэ үрдүнэн обсерваторга сытар киһи ахсаана 349 буолла, ол иһигэр 51 тас дойдуттан кэлбит дьон, 146 – Арассыыйа атын регионнарыттан, 152 - коронавирустаахтары кытта алтыспыт дьон.

7 лабораторияҕа уопсайа 15090 анаалыс оҥоһулунна.