19.10.2021 | 14:30

Коронавирус дьаҥынан быһыыны ылбатах уонна саастаах дьон ыалдьара элбээбит

Коронавирус дьаҥынан быһыыны ылбатах уонна саастаах дьон ыалдьара элбээбит
Ааптар: Киин Куорат
Бөлөххө киир

Өрөспүүбүлүкэҕэ коронавирус дьаҥынан ордук быһыыны ылбатах уонна саастаах дьон ыалдьаллара элбээбит. Бэйэтэ да чэпчэкитэ суох ыарыыны кинилэр ордук уустуктук аһарыналлар, эмтэниигэ түргэнник бэриммэттэр. Бу туһунан брифиҥҥэ регионнааҕы суһал штаб салайааччытын солбуйааччы Ольга Балабкина иһитиннэрдэ. 
Ордук уустук балаһыанньа Нам уонна Мэҥэ-Хаҥалас улуустарыгар үөскээбитэ этилиннэ.
 «Кэнники 3 нэдиэлэ иһигэр Мэҥэ-Хаҥаласка ыарыһах ахсаана аччаабат, ол иһин улуустааҕы суһал штабка хааччахтыыр миэрэлэри күүһүрдэллэригэр өссө төгүл этэбин, кинилэр быһыыны биэриини тэтимирдэллэрэ ирдэнэр. Билиҥҥи туругунан Бүлүүгэ, Ньурбаҕа, Тааттаҕа уонна Чурапчыга балаһыанньа ордук уустугурда. 8 ыраах сытар нэһилиэккэ кытары ыарыы тиийдэ, онно сөптөөх көмөнү оҥорор уустуктардаах. Ордук ыарахан балаһыанньа Өлүөхүмэ улууһугар үөскээтэ, онно 7 киһи ыарыйда. Улуустааҕы штаб миэстэтигэр эминэн-томунан хааччыллыыга ураты болҕомтону ууруон наада. Үөһээ Бүлүүгэ, Хаҥаласка, Уус-Алдаҥҥа балаһыанньа тупса илик. Уус-Алдаҥҥа олохтоох балыыһа көмөнү оҥорорго толору бэлэмнээҕин үрдүнэн, олохтоохтор син-биир Дьокуускайга кэлэллэр. Онон Уус-Алдан олохтоохторо миэстэтигэр, Бороҕоҥҥо эмтэниэххитин наада, онно бары усулуобуйа тэриллибитэ», – диэн  эттэ Ольга Балабкина.

Сонуннар

Ордук ааҕаллар

Оҕуруо абылаҥар ылларбыт Роза Спиридонова
Дьон | 31.05.2024 | 14:00
Оҕуруо абылаҥар ылларбыт Роза Спиридонова
Роза Яковлевна Спиридонова Дьокуускай куорат 39 №-дээх «Ромашка» уһуйааныгар музыкальнай салайааччынан үлэлиир. Бүгүҥҥү сэһэргэһээччим, чахчы, талба талааннаах киһи. Кини оҕуруонан үлэлэрэ ханнык да көмүс оҥоһуктан хаалсыбаттар. Роза Яковлевна Ньурба Маалыкайыттан төрүттээх. Эбэтэ уонна ийэтэ суохтан баар оҥорор, кыраттан да элбэҕи айан таһаарар, эргэни саҥа тыынныыр сатабыллаах хаһаайкалар, көмүс тарбахтаах иистэнньэҥнэр...
Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...