Коронавируһунан ыалдьыы ахсаана аҕыйаабат

Саха сиригэр бэс ыйын 14 күнүнээҕи туругунан коронавируһунан ыалдьыы 94 түбэлтэтэ регистрацияланна. 
Дьокуускай куоракка ыалдьыбыт киһи ахсаана – 61. Бүлүүгэ, Мирнэйгэ 5-тии түбэлтэ. Аммаҕа, Мэҥэ-Хаҥаласка уонна Нерюнгри оройуонугар – 4 киһи, Горнай, Аллараа Халыма, Сунтаар, Таатта, Хаҥалас оройуоннарыгар  биирдии киһи ыалдьыбыта билиннэ. 

Суукка иһигэр өрөспүүбүлүкэ лабораторияларыгар 1078 чинчийии оҥоһуллубут.
Ити күннээҕи туругунан, Саха сиригэр коронавирус дьаҥын утары барыта 208109 дуоза вакцина кэлбит. 
Бастакы вакцинацияларын 185275 киһи, ол  иһигэр 42109 60 саастарыттан үөһээ дьон ылбыт. Вакцинация иккис түһүмэҕин 136100, ол иһигэр 33196 60 саастарын ааспыт дьон оҥотторбут. 
Өрөспүүбүлүкэҕэ кэлбит вакцина 89,03 % туттуллубут.
Манна даҕатан эттэххэ, Саха сиригэр хааччахтыыр миэрэлэр бэс ыйын 25 күнүгэр диэри уһатылыннылар.