29.07.2021 | 11:30

Коронавируһунан сибээстээн хааччахтааһын киириэн сөп

Коронавируһунан сибээстээн хааччахтааһын киириэн сөп
Ааптар: Киин Куорат
Бөлөххө киир

Саха сиригэр коронавирус дьаҥынан ыалдьыы үрдээбитэ бэлиэтэнэр. Суукка иһигэр 122 түбэлтэ биллибит, итинтэн 65 киһитэ Дьокуускай куоракка. Итинэн сибээстээн сотору кэминэн хааччахтыыр миэрэлэри төнүннэриэхтэрин сөп. Ол туһунан суһал штаб мунньаҕар регион баһылыга Айсен Николаев эппит. 
Ыалдьыбыт дьон ахсаана оройуоннарга эмиэ элбээбит. Ол курдук, коронавируһунан ыалдьыы саҥа түбэлтэлэрин 21 оройуоҥҥа булбуттар. Атырдьах ыйын 30 күнүгэр Ил Дархан ыйааҕынан нэһилиэнньэҕэ санитарнай-эпидемиологическай өттүнэн куттал суоһаабатын курдук уһатыллыбыт хааччахтыыр миэрэ болдьоҕо бүтэр. Региональнай суһал штаб докумуону саҥардарга этиилэри бэлэмниир. 
«Быһыы-майгы кэнники күннэргэ мөлтөөтө, бастакы уочарат, Дьокуускай куоракка. Хааччахтыыр миэрэлэри хонтуруоллааһын куруук баар буолуохтаах. Ордук билигин, уоппуска кэмигэр дьон өрөспүүбүлүкэ уонна дойду үрдүнэн элбэхтик айанныыр кэмнэригэр», - диир Айсен Николаев.
Кылаабынай санитарнай бырааһы Дьокуускай куоракка буолар быһыы-майгы долгутар. Кини этэринэн, ити барыта хааччахтыыр миэрэлэри тутуспаттан, дезинфекцияны кэмигэр оҥоһуллубаттан, кэтээн көрөр уорганнар өттүлэриттэн хонтуруол мөлтөҕүттэн тахсар.  Ыарыы ордук нэһилиэнньэ эдэр араҥатыгар – 18-29 саастаах дьоҥҥо баара билиннэ. 30-40 саастаахтар ыалдьар түбэлтэлэрэ эмиэ аҕыйаҕа суох. Итини таһынан, коронавирус дьаҥа оҕо ортотугар элбээбит, сорох оҕолор икки өттүнэн сэбиргэхтэтэн балыыһаҕа киирбиттэр. 
Маргарита Игнатьева COVID-free зоналартан аккаастанарга уонна хааччахтыыр миэрэлэри уһатарга этии киллэрдэ.  
Итини сэргэ, кини ыалдьыбыт киһи чугас, хантаактаах дьонун 2020 сылга курдук обсерваторга изоляциялыыр наадатын этэр. 
Өрөспүүбүлүкэ вице-премьера Ольга Балабкина оройуоҥҥа сынньана, үлэлии, ол иһигэр вахтовай ньыманан барар дьон самоизоляцияны тутуһаллара булгуччулааҕын бэлиэтээтэ. 
Ил Дархан вакцинацияны тэтимирдэргэ, эпидемиологическай быһыы-майгы онтон быһаччы тутулуктааҕын эттэ. Кини эппитинэн, Арҕаа  «быһыы ылбатахтар пандемияларынан» ааттанар коронавирус 4 «долгуна” чугаһаабыт.  Айсен Николаев вакцинацияны 65%-тан аҕыйах нэһилиэнньэ оҥотторбут оройуоннарын ураты болҕомтоҕо ыларга сорудахтаата. 
Вакцинация хаамыытыгар намыһах көрдөрүүлээх улуустар – Алдан, Амма, Булуҥ, Үөһээ Бүлүү, Мэҥэ-Хаҥалас, Мирнэй, Нам, Нерюнгри, Сунтаар, Таатта, Уус-Алдан, Уус-Дьааҥы, Чурапчы.

Сонуннар

Ордук ааҕаллар

Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...
Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...