Коронавируһу утары миэрэлэр күүһүрэллэр

Ил Дархан Айсен Николаев бүгүҥҥү, муус устар 13 күнүнээҕи, уурааҕынан, COVID-19 тарҕаныытын утары эбии миэрэлэр киирдилэр.

Ол курдук, транспорт араас көрүҥүнэн тастан кэлэр дьон 14 күн устата изоляцияҕа олорор эбээһинэстэннилэр. Оттон Саха сирин бары олохтоохторо икки нэдиэлэ устата дьиэлэриттэн тахсыбакка олоруохтаахтар. Арассыыйа араас регоиннарыттан үлэлии кэлбит дьон үлэлэрин миэстэтинэн булгуччулаах изоляцияҕа олоруохтаахтар. Тэрилтэлэрэ “самоизоляция” эрэһиимин сатаан хааччыйбат буоллаҕына обсерваторга киирэллэр.

 Саха сиригэр хантан баҕарар кэлбит дьон “112” нүөмэргэ эрийэн биллэриэхтээхтэр.

Атын регионнартан үлэһиттэри аҕалар тэрилтэлэр 14 күн карантины хааччыйар эбээһинэстэннилэр. Маны тэҥэ туһааннаах уорганнарга кэлбит дьон туһунан дааннайдары кэмигэр тиэрдиэхтээхтэр. Тэрилтэлэрэ бэйэлэрэ кэлэр үлэһиттэри аэропортарга, вокзалларга көрсүөхтээхтэр, 14 күн изоляцияҕа олорор сирдэригэр тиэрдиэхтээхтэр.