Коронавируһу утары үлэлиир медиктэр биэнсийэҕэ эрдэ тахсыахтарын сөп
Коронавируһу утары охсуһууга үлэлээбит медиктэр биэнсийэҕэ эрдэ тахсар кыахтаныахтара.
Бу туһунан Федерация Сэбиэтин социальнай политикаҕа кэмитиэтин бэрэссэдээтэлин солбуйааччы Татьяна Кусайко эппитин киин бэчээккэ таһаардылар. Билигин медиктэр биир ый коронавируһу утары үлэлээбиттэрэ 3 ый көннөрү үлэлээбиттэригэр тэҥнэһэр. Ол иһин биэнсийэҕэ тахсыы болдьоҕо кинилэргэ хаттаан ааҕыллара тоҕоостоох буолар.
Маны таһынан, медиктэр 1,5 мөл. солк. диэри сыаналаах массыынаны атыылаһалларыгар чэпчэтии көрүллэр, чэпчэтии суумата 375 тыһ. солк. тиийиэн сөп.
Маны тэҥэ, коронавируска үлэлии сылдьар эмчиттэр үлэлэрин ыстааһытан көрөн, олорор дьиэлэрин приватизациялыахтарын сөп буолла. Маннык бырагыраама регион таһымыгар үлэлиир.