19.02.2021 | 08:30

КОРОНАВИРУҺУ ЧЭПЧЭКИТИК АҺАРЫММЫТ ДЬОН ВАКЦИНА ЫЛЫАХТАРЫН СӨП

КОРОНАВИРУҺУ ЧЭПЧЭКИТИК АҺАРЫММЫТ ДЬОН ВАКЦИНА ЫЛЫАХТАРЫН СӨП
Ааптар: Киин Куорат

Доруобуйа харыстабылын аан дойдутааҕы тэрилтэтэ (ВОЗ) коронавируһу чэпчэкитик аһарыммыт дьоҥҥо вакцинаны ыларга сүбэлээтэ.

Чэпчэкитик, ол аата ыарыы сибикитэ суох дьаҥы аһарыммыт дьоҥҥо иммунитет үөскээмиэн, антителаларын таһыма намыһах буолуон сөп. Билиҥҥи чинчийиилэргэ олоҕурдахха, коронавируһунан күүскэ ыалдьан баран аһардыммыт дьоҥҥо, чэпчэкитик аһарыммыт дьоннооҕор  иммунитеттара күүстээх буолар. Ыалдьыбыт да буоллаххытына, вакцина ыллаххытына, иммунитет эппиэтэ күүһүрэн биэрэр диэн ВОЗ суруйар.

Маны кытта Доруобуйа харыстабылын аан дойдутааҕы тэрилтэтэ вакцинацияны, чинчийиилэр бара туралларынан сибэстээн, оҕолорго биэрэри сүбэлии илик.

ВОЗ суруйарынан, дьаҥы аһарыммыт киһи организмын иммунитета төһө өр вируска бэриммэккэ тулуһарын билигин чуолкай быһаарылла илик. Ол эрэн быһыыны ылбыт киһи доруобуйата, быһыы ылбатах киһи киэнинээҕэр бөҕөх буолуо дииллэр.

Аан дойдуга вакцинаны ылбыт киһи ахсаана пандемия саҕаланыаҕыттан ыалдьыбыт дьон ахсаанын куоһарда. 10 судаарыстыбаҕа, Арассыыйаҕа курдук, маассабай вакцинация күүскэ бара турар – балар аан дойду ВВП-тын 60 бырыһыанын оҥорор дойдулар. 130-ча кэриҥэ дойдуга (2,5 млрд нэһилиэнньэ) коронавирус утары быһыыны ыла иликтэр.

Аан дойдуга пандемия саҕаланыаҕыттан 108,4 мөл. киһи COVID-19 ыалдьыбыт, онтон  2,3 мөл. киһи суорума суолламмыт.

Сонуннар

Ордук ааҕаллар

Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Ийэ айманар сүрэҕин туох уоскутуой...
Сытыы муннук | 01.12.2022 | 12:03
Ийэ айманар сүрэҕин туох уоскутуой...
Билиҥҥи балаһыанньаҕа, билиҥҥи судургута суох кэмҥэ оҕотун байыаннай дьайыыга атаарбыт ийэлэрдиин кэпсэтэртэн ордук ыарахан суох. Кинилэр куоластара титириирэ, харахтарын уутун кистээн туора соттоллоро, оҕолорун тустарыгар күүстээх, тулуурдаах буола сатыыллара киһини өссө уйадытар, уоскутар тылы булбакка мух-мах бараҕын. Бу сырыыга оҕолорун атаарбыт, кэтэһэр, эрэнэр икки ийэни кытта харах уулаах кэпсэтиибин ааҕааччыларбар...
Юрий Попов: «Барыта улахан үлэттэн тахсар»
Дьон | 25.11.2022 | 16:00
Юрий Попов: «Барыта улахан үлэттэн тахсар»
Дьокуускайга Тупсарыы үс сыла биллэриллэн, бу диэн эттэххэ, киин куоракка, чахчы, үтүмэн үлэ ыытылынна, ону олохтоохтор даҕаны бэйэҕит көрө-истэ сылдьаҕыт.  Быйыл сайын «Уһук Илиҥҥэ 1000 тиэргэн» федеральнай бырайыагынан Дьокуускай куоракка 75 тиэргэн тупсаран оҥоһулунна. Саамай элбэх эбийиэккэ бэдэрээтчитинэн «Основа» ХЭТ үлэлээтэ. Онон бүгүҥҥү нүөмэрбитигэр бу тэрилтэ эдэр салайааччыта Юрий Поповы...