Короленко аатынан уулуссаҕа массыына сырыытыгар хааччахтааһын киирдэ
Киин куорат баһылыга Евгений Григорьев дьаһалынан, суолга траншея хаһыытынан уонна уот ситимигэр холбонуохтаах тимир гильза оҥоһулларынан сибээстээн, суолга куттал суох буолуутун хааччыйар сыалтан Короленко аатынан уулуссаҕа массыына сырыытыгар хааччахтааһын киирдэ.
Ол курдук, Короленко уулуссатын 25 №-дээх дьиэтин таһыгар ыам ыйын 20 күнүгэр сарсыарда 9 чаастан киэһэ 21 чааска диэри массыына сырыытыгар хааччаахтааһын олохтонно.
Үлэ ыытылларыгар «Якутскэнерго» АУо Киин ситимнэрин үлэһиттэригэр көҥүл бэриллибит. Бу этиллибит тэрилтэ сэрэтэр суол бэлиэлэрин туруоран, сатыы сылдьар дьоҥҥо куттал суоһаабатын хааччыйыахтаах. Маны сэргэ, хараҥа кэмҥэ эбии сырдатар уоту туруоруохтаах, хаһыллыбыт траншеяны буорунан кутан бөҕөргөтүөхтээх, айан суолун бэс ыйын 4 күнүгэр диэри чөлүгэр түһэриэхтээх.
Сонуннар
Ордук ааҕаллар
