13.12.2023 | 15:00

Конституция күнүгэр куорат эдэр олохтоохторугар пааспардары туттардылар

Ахсынньы 12 күнүгэр, Арассыыйа Федерациятын Конституцията 30 сылыгар анаммыт үөрүүлээх тэрээһиҥҥэ, киин куорат эдэр олохтоохторугар пааспардары туттардылар.
Конституция күнүгэр куорат эдэр олохтоохторугар пааспардары туттардылар
Ааптар: Киин Куорат
Бөлөххө киир

Үөрүүлээх быһыыга-майгыга пааспардары туттарыыга куорат баһылыга Евгений Григорьев, Дьокуускай куораттааҕы Дуума Бэрэссэдээтэлэ Альберт Семенов, Олохтоох дьаһалта Быраапка департаменын  начаалынньыга Анатолий Илларионов кытыннылар.

Евгений Григорьев эҕэрдэ тылыгар, Арассыыйа Федерациятын Конституцията 1993 сыллаахха ахсынньы 12 күнүгэр Норуот бүттүүнүн референдумугар ылыныллыбыта уонна онтон ыла, 30 сыл устата Арассыыйа сөптөөх хайысханан баран иһэрин уонна тохтоло суох сайдарын бэлиэтээтэ.

«Бүгүҥҥү күҥҥэ уларыйыы кэмэ, ол эрэн судаарыстыбабыт, уруккутун курдук, үгэс буолбут сыаннастарбытын уонна элбэх омуктаах дойду култууратын бигэтик харыстыыр уонна ытыктыыр. Арассыыйа Федерациятын Конституцията – судаарыстыба уонна быраап эрэсиимин туллубат тутааҕа, сокуон тулхадыйбат акылаата. Бүгүн, итиннэ олоҕуран, эһиги Арассыыйа Федерациятын гражданинын пааспарын ылаҕыт. Ити аата, эһиги сокуонунан мэктиэлэммит бырааптаах уонна эбээһинэстээх буолаҕыт. Ситии-хотуу өттүгэр бастакы хардыыгытын оҥороҕут», –  диэтэ, оҕолорго туһаайан, куорат баһылыга.

Дьокуускай куораттааҕы Дуума Бэрэссэдээтэлэ Альберт Семенов эҕэрдэҕэ кыттыһан туран, судаарыстыба сайдыыта күннээҕи ситиһиилэртэн, гражданнар үлэлэриттэн, хас биирдии киһи тус бэйэтин, дьиэ кэргэнин, дойдутун иннигэр эппиэтинэһиттэн таҥыллан тахсарын бэлиэтээтэ.

«Билигин дойдугут толору бырааптаах гражданнара буоллугут, эһиги илиигитигэр – судаарыстыбабыт инники кэскилэ. Арассыыйа сайдыытыгар бэйэҕит кылааккытын киллэрэр дьоһун, үөрэхтээх гражданнарынан буолуоххут диэн эрэнэбит. Бастатан туран, Конституциянан олоруохтаахпыт уонна эбээһинэһэ суох быраап суоҕун өйдүөхтээхпит», – диэтэ Альберт Семенов.

Тэрээһин түмүгэр Олохтоох дьаһалта Быраапка департаменын  начаалынньыга Анатолий Илларионов оҕолорго анаан «Гражданнар бырааптара уонна эбээһинэстэрэ» тиэмэҕэ бэсиэдэ ыытта.

 

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....