Комсомольскай болуоссакка мэһэйдэри оҥоруу былааннанар

Дьокуускайдааҕы ГИБДД сотруднига Сергей Мартынов куорат уопсай планеркатыгар эппитинэн, Комсомольскай болуоссакка «сытар полицейскайдары» оҥорор былаан баар.
Бу болуоссакка түүҥҥү кэмҥэ дрифтердэр мустан, тыас-уус таһааран, аттынааҕы дьиэлэр олохтоохторун утуппаттарын-сынньаппаттарын туһунан элбэх үҥсүү киирэр. Онон үөһэ этиллибит мэһэйдэри оҥоруу чуумпуну аймааччылары кытта охсуһуу биир көрүҥүнэн буолуоҕа. 
«Комсомольскай болуоссакка мэһэйдэри уонна шлагбауму туруоруу быһаарылыннаҕына массыынанан көҥүлэ суох куоталаһыылары суох оҥоруо этибит», – диир Сергей Мартынов.