21.11.2023 | 14:30

Кирилл Бычков албыннаппыт дольщиктар кыһалҕалара быһаарылларын мэктиэлээтэ

СӨ бырабыыталыстыбатын бэрэссэдээтэлэ Кирилл Бычков 44 албыннаппыт дольщикка кыбартыыраларын күлүүһүн туттарда, кинилэр «Ильинка» дьоҕус оройуонугар баар 32 кыбартыыралаах дьиэҕэ киирдилэр диэн Өрөспүүбүлүкэ баһылыгын уонна бырабыыталыстыбатын пресс-сулууспата иһитиннэрдэ.
Кирилл Бычков албыннаппыт дольщиктар кыһалҕалара быһаарылларын мэктиэлээтэ
Ааптар: Киин Куорат
Бөлөххө киир

Саҥа дьиэ олохтоохторо маннык үөрүүлээх түгэни уон сылы быһа кэтэстилэр.

«Бүгүҥҥү түгэн – Арассыыйа бэрэсидьиэнин уонна Саха сирин Ил Дарханын албыннаппыт дольщиктар кыһалҕаларын быһаарарга сорудахтарын ситиһиилээхтик толоруу дьоһун түмүгэ. 2023 сыл бүтүөр диэри биир даҕаны бырааба күөмчүлэммит, албыннаппыт дольщик   хаалыа суоҕа. Өрөспүүбүлүкэтээҕи Дольщиктар бырааптарын көмүскүүр пуонда көмөтүнэн бары кыһалҕалаах эбийиэктэр үлэҕэ киириэхтэрэ», – диэн эрэннэрдэ Кирилл Бычков.

Кини бэлиэтээн эппитинэн, бу кыһалҕаны быһаарыы Ил Дархан Айсен Николаев улахан болҕомтотугар сылдьар.

«Айсен Сергеевич өрөспүүбүлүкэ бырабыыталыстыбатын иннигэр «албыннаппыт дольщик» диэн өйдөбүлү суох гынар соругу туруорда. Бу Тутуу министиэристибэтин уонна өрөспүүбүлүкэтээҕи Дольщиктар бырааптарын көмүскүүр пуонда үлэлэрин бэбиэскэтигэр сылдьар дьоһун суолталаах боппуруостартан биирдэстэрэ. Инники өттүгэр Саха сиригэр маннык көстүү суох буоларыгар эрэнэбин. Эбийиэктэр үлэҕэ киирэр болдьохторо көһөрүллүбэтин курдук, өрөспүүбүлүкэ былааһа региоҥҥа ыытыллар долевой тутууну кыраҕытык кэтиир», – диэн бэлиэтээтэ Кирилл Бычков.

Санатар буоллахха, Саха сирэ биир бастакынан албыннаппыт дольщиктары көмүскүүр федеральнай бырагыраамаҕа киирбитэ.

2019 сыллаахха СӨ бырабыыталыстыбата Дольщиктар бырааптарын көмүскүүр пуонданы тэрийбитэ, үбүлээһини көрбүтэ. Бырагыраамаҕа барыта 10 кыһалҕалаах эбийиэк киирбитэ, федеральнай Пуондаттан үбүлээһин 2,5 млрд солкуобайга тэҥнэспитэ (92%), олохтоох бүддьүөттэн үбүлээһин – 175 мөл солкуобай  (8%).

Быйыл өрөспүүбүлүкэҕэ долевой тутуу үс кыһалҕалаах эбийиэгин  249 кыттааччытын күөмчүлэммит бырааптара көмүскэннэ. «Ильинка» дьоҕус оройуонугар үлэҕэ киирбит 32 кыбартыыралаах дьиэни таһынан, ахсынньы ыйга өссө Автодорожнай уокурукка баар 16 этээстээх олорор дьиэ ситэри тутуллуоҕа. Киин куорат 72-с кыбаарталын Поярков уулуссатыгар тутуллар оҕо балаһааккалаах гараас дольщиктарын бырааптарын көмүскээһин судаарыстыбаннай  бүддьүөт суотугар оҥоһуллуоҕа.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
Уопсастыбаннай туоналарга куоластыырбытын умнубаппыт
Сонуннар | 03.04.2024 | 10:30
Уопсастыбаннай туоналарга куоластыырбытын умнубаппыт
Кулун тутар 15 – муус устар 30 күннэригэр эһиил, 2025 сылга, тупсарарга былааннанар эбийиэктэри быһаарар Бүтүн Арассыыйатааҕы куоластааһын буолар турар. Куоластааһыҥҥа 14-тэн үөһэ саастаах Арассыыйа гражданнара 14.gorodsreda.ru балаһааккаҕа киирэн, сөбүлээбит бырайыактарын талан кыттыахтарын сөп.  Дьокуускай куорат олохтоохторо быйыл Гагарин аатынан сквер, Щорс күөлүн кытыла, Сэргэлээх күөлүн кытыла (ДСК оройуона), Теплай...