25.04.2022 | 19:18

Кинигэ сүрэхтэниитэ

Кинигэ сүрэхтэниитэ
Ааптар: Маргарита Степанова (Акимова), Дьокуускай к.
Бөлөххө киир

Саха Өрөспүүбүлүкэтин Автономията 100 сыллаах өрөгөйдөөх үбүлүөйэ бу буолаары турдаҕына Бүлүү улууһун Чочу нэһилиэгэр биир улахан үөрүүлээх түгэн буолла.
Ол курдук Саха АССР кэмин 60-70 сылларын педагога, энтузиаст- краевед, "Знание" уопсастыба лектора, дойдутун патриота, Чочуга музей төрүттээччи, РСФСР үөрэҕириитин туйгуна Михаил Захарович Томскай төрөөбүтэ 100 сылынан
"Үтүө аата үйэлэргэ" диэн оҕолоро үбүлээн таһаарбыт кинигэлэрэ сүрэхтэниитэ Дьокуускай куоракка СӨ Национальнай библиотекатыгар буолан ааста.


Бу дьоро, бэлиэ күҥҥэ Учуутал үөрэппит үөрэнээчилэрэ р.г. Маркова, Т.Г. Васильева, В.С. Веревкин, Ю.В. Иванов бииргэ үлэлээн ааспыт кэллиэгэтэ С.П. Григорьев уонна аймах дьоно, оҕолоро, сиэннэрэ, хос сиэннэрэ сырыттылар. Бүлүү улууһуттан анаан олохтоох музей үлэһиттэрэ К.Н. Николаева, Г.Н.тАлексеева кэлэн кыттыыны ылан бардылар.
Көрсүһүүгэ кэлбит үөрэнээччилэрэ:
"Михаил Захарович биирдэ этэн турардаах. Оҕолоор, кэнники хаһан эмэ төлөпүөн нөҥүө утары көрсөн олорон кэпсэтэр буолуохпут",- диэн. Оччотооҕуга улаханнык суолта биэрбэтэх учууталларын этиитэ бүгүн, чахчы да, бу кинигэтин сүрэхтэниитигэр быһалыы сибээһинэн Новосибирскай куораттан, Дьокуускайтан, Бүлүүттэн, Ньурбаттан утарыта көрсүһэн олоруу - 60-с сылларга Учууталларыттан истибит этиилэрин чаҕылхай туоһута буолла.
Истиҥ, иһирэх оҕо саас өйдөбүллэрэ, инникини көрбүтүн сөҕүү уонна ол кэмнэри санаан- ахтан эмиэ да курус, эмиэ да үөрүү аргыстаах ахтылҕан кэмҥэ куустаран ыллылар.


Кинигэ сүрэхтэниитигэр мустубут ыалдьыттар Михаил Захарович тутта сылдьыбыт малын, суруйан хаалларбыт докумуоннарын, ону ааһан үгүс элбэх бэйэтэ оҥорон хаалларбыт альбомнарын быыстапкатын көрөр кыахтаннылар.
" Үтүө аата үйэлэргэ" кинигэ А-4 форматтаах, 248 страницалаах,  314 хаартыскалаах, үөрэнээччилэрин, аймах- билэ дьоннорун  ахтыылара, 6 аудио- видео матырыйааллардаах, докумуоннарга олоҕурар элбэх саҥа чахчылардаах.
Кинигэ сүрэхтэниитин биир соһуччу түгэнинэн М.З. Томскай бэйэтэ саҥарбыт куолаһа төлөпүөн нөҥүө иһиллиитэ буолла. Мустубут дьон билэр, чугас киһилэрин саҥатын истэн, өссө долгуйуу,  ахтылҕан эйгэтигэр куустаран ыллылар. Учуутал хос сиэнэ кыракый Алина
 " Учууталга" диэн хоһооно, Михаил Захарович өрүү истэрин сөбүлүүр "Подмосковные вечера" ырыата урукку сэбиэскэй бириэмэни уонна билиҥҥи 21-с үйэ дьонун ситимнээн, биир долгуҥҥа киллэрдэ. Истиҥ- иһирэх көрсүһүү уопсай хаартыскаҕа түһүүнэн түмүктэннэ.


М.З. Томскай оҕолоругар Апрель Михайловичка, Владимир Михайловичка, Оксана Михайловнаҕа,  күтүөттэригэр Юрий Алексеевичка уонна кинигэ оҥоруутун эрэдээктэрэ Маргарита Ивановнаҕа Степанрваҕа мустубут дьон махтанар тылларын анаатылар.  Улахан буукубаттан суруллар Учуутал, ырааҕы өтө көрбүт 
кыраайы үөрэтээччи
дириҥ, киэҥ билиилээх лектор,
дьон, дойду туһугар сүүрбүт уопсастыбанньык,
аламаҕай майгылаах, саргылаах санаалаах, күүстээх эрэллээх кэргэн, аҕа,эһээ, хос эһээ
Михаил Захарович Томскай баара буоллар быйыл сэтинньи ыйга  төрөөбүтэ сүүс сааһын туолуо этэ.
Кини Чочу нэһилиэгэр  Саха АССР 50 сыллаах үбүлүөйүнэн туруортарбыт обелиск-пааматынньыга ааспыт кэми аныгы 21-с үйэни кытта ситимнээн, үйэлэргэ Михаил Захарович аатын ааттата, саната туруоҕа.
Үтүө аата үйэлэргэ кинигэ Бүлүү улууһугар биир бэлиэ киһи үлэлээн, олорон ааспытын санатан, кини аата иккистээн тыыннанан, кэлэр көлүөнэ ыччат историяны билэригэр көмө буоларыгар эрэнэбит.

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
“Сүүрэр суолга – Владимир Слепцов!”
Спорт | 18.06.2024 | 14:15
“Сүүрэр суолга – Владимир Слепцов!”
Спорт көрүҥнэриттэн биир бастыҥнара уһун сиргэ сүүрүү. Ырааҕы сүүрүүнэн ылбычча киһи дьарыктаммат. Бэйэтин кэмин аатырбыт сүүрүгэ-быһыйа, Саха АССР рекордсмена, стайер уонна марафонец Владимир Слепцову ааспыт үйэ 60-80 сылларын дьоно үчүгэйдик өйдүүр-билэр. Быйыл рекорд олохтообута лоп-курдук 50 сыла. Аҕаларын, эһэлэрин кэриэстээннэр оҕолоро, сиэннэрэ, бииргэ төрөөбүт балта  Людмила Пантелеймоновна, быраата Артем Пантелеймонович...
ЭкоБизнес —  Айылҕаҕа харыстабыллаах  сыһыаҥҥа тирэҕирэн
Дьон | 14.06.2024 | 14:00
ЭкоБизнес — Айылҕаҕа харыстабыллаах сыһыаҥҥа тирэҕирэн
Дьокуускайга бизнес араас хайысхата сайдар. Олохтоох бородууксуйаны оҥорон атыыга таһаарыы ордук элбэх эбит буоллаҕына, туризм курдук өҥөнү оҥорор предпринимателлэр тарбахха баттаналлар. Юлиана уонна Захар Алексеевтар элбэх оҕолоох дьиэ кэргэн Дьокуускай таһынааҕы Капитоновка сэлиэнньэтигэр туристическай бизнеһи сайыннаран эрэллэр.   Оҕолор улааттылар диэн саҕалаабыппыт – Биһиги үс уоллаахпыт. Улахаттарбыт 14 саастарын туолбуттарын кэннэ,...
Олоҥхо ыһыаҕар анаан Дьокуускайтан айанныыр паром ахсаана элбэтиллэр
Сонуннар | 14.06.2024 | 10:17
Олоҥхо ыһыаҕар анаан Дьокуускайтан айанныыр паром ахсаана элбэтиллэр
XVII-с өрөспүүбүлүкэтээҕи Олоҥхо ыһыаҕа быйыл бэс ыйын 20-21 күннэригэр Аммаҕа Муона чараҥа айылҕа маанылаах миэстэтигэр ыытыллаары турар.  Ыһыах мааны ыалдьыттарынан өрөспүүбүлүкэ 32 муниципальнай тэриллиититтэн 15 тыһыынчаттан тахса киһи буолуоҕа. Айанньыттарга анаан «Дьокуускай – Аллараа Бэстээх» хайысханан 15 паром сылдьыаҕа, Амма сэлиэнньэтин иһинэн оптуобустар, ыһыах түһүлгэтигэр тиэрдэр шатллар сүүрүөхтэрэ. Түһүлгэҕэ 3...