27.12.2021 | 20:03

Кимиэхэ тугу бэлэхтиибит?

Кимиэхэ тугу бэлэхтиибит?
Ааптар: Айталина Софронова
Бөлөххө киир

Бу кэмҥэ бары саҥа дьыллааҕы сүпсүлгэҥҥэ умса түһэбит. Кимиэхэ тугу бэлэхтиибит диэн толкуйа. Саҥа дьыллааҕы бэлэх үчүгэйдик толкуйдаммыт, кэрэхсэбиллээх буолуохтаах. Бу нүөмэргэ судургу уонна туһалаах бэлэхтэри испииһэктээтибит.

Эһиил илиҥҥи халандаарынан халлаан күөх өҥнөөх Баабыр сыла буолар. Астрологтар этэллэринэн, бу сылга төрөөбүт киһи бэйэтин билиммит, сүрэхтээх, дьулуурдаах, күүстээх уонна тимир курдук кытаанах санаалаах.

Кинигэ

Ханнык баҕарар киһиэхэ күндү бэлэх буолуоҕа. Холобур, кэрэ аҥааргытыгар, кэллиэгэҕитигэр, эдьиийдэргитигэр ырысыаптардаах кинигэлэри бэлэхтээҥ. Ону сэргэ киһини олоххо көҕүлүүр ис хоһоонноох, истиҥ кинигэлэри талыҥ. 

Олус туһалаах

Саарпык эбэтэр палантин ылан биэрдэххитинэ,  кэрэ аҥаардары үөрдүөххүт. Палантины дьахталлар хаһан баҕарар уонна ханна баҕарар кэтэллэр. Биһиги тымныы кыһыммытыгар чахчы наадалаах бэлэхтэр. 

Сертификат

Бэлэх оҥорорго туспа иэйии наада дииллэр. Ардыгар чугас киһиҥ, тапталлааҕыҥ тугу сөбүлүүрүн, ханнык дьүһүнү таптыырын, ханнык фирманы ордорорун билбэккин. Оннук түгэҥҥэ сертификат эрэ быыһыан сөп. Холобур: фотосессияҕа сертификат буолуон сөп. «Баар эрэ буоллун» диэн санаалаах тугу да ылбатаҕыҥ ордук.

 

Косметика

Сылга биирдэ киһи бэйэтигэр да үчүгэй косметиканы ылыныан сөп. Оттон чугас дьоҥҥо бэртээхэй бэлэх. Холобура, “MAC Cosmetics”, “NYX”, “Estee Lauder” курдук брендовай косметика бородууксуйаларын.

 

Остуол оонньуулара

Маннык бэлэхтэринэн чугас дьоҥҥут интэриэстэрин таба тайаныаххытын сөп: релакс-пазл, Кубик Рубик, психологическай каарталар, «Монополия», «Дженга», наарда эбэтэр лото. Сыаналара удамыр. Саамай үчүгэйэ иннигитигэр – уһун өрөбүллэргэ сэргэх киэһэлэри атаарыаххыт.

 

Эр дьоҥҥо

Эр киһи судургу уонна күннээҕи олоххо туһалаах бэлэҕи ордорор дииллэр. Саҥа ыстаан, сибиитэрэ, ырбаахы биэрдэххитинэ олус астыныа. Онтон кумааһынньык, уруучука, планнер диэҥҥэ эр дьон соччо наадыйбат, бэлэҕинэн да ааҕыа суоҕа. Эбэтэр олох туох даҕаны толкуй киирбэтэҕинэ ханнык баҕарар маҕаһыыҥҥа сертификат, оттон булчуттарга анал маҕаһыыҥҥа сертификат эбэтэр үчүгэй үтүлүк биэриэххитин сөп.

Гаджет

Аныгы технология сайдан турар кэмигэр маннык бэлэхтэр бастакы миэстэҕэ тураллар. Гаджет барыта буортулаах диир сыыһа! Саҥа дьыл алыптаах бырааһынньыгар, холобур: Powerbank зарядник, кулгаахха кэтиллэр боруобата суох наушник, флешка-сувенир, смарт-чаһы, экшен‑камера, портативнай колонка, электроннай кинигэ, робот-пылесос, дрон, коптер-камера  уо.д.а. кими баҕарар үөрдүөхтэрэ. Ону таһынан виртуальнай бэлэхтэри эмиэ биэриэххитин сөп. Холобура, доҕотторгутугар Netflix, ivi, Окко курдук ханаалларга сыллааҕы сурутууну оҥорон соһутуҥ.

 

Көмүс киэргэл

Ювелирнай оҥоһуктары дьахталлар саастарыттан, социальнай статустарыттан тутулуга суох, бары таптыыллар. Саҥа дьылга хаһан баҕарар күндү бэлэх буолар. Ол эрээри ханнык баҕарар киэргэл бэлэхтиир киһигит имиджигэр сөп түбэһэр буолуохтаах. Эдэр кыргыттарга үрүҥ көмүс, орто уонна аҕам саастаахтарга кыһыл көмүс ылар ордук. Кумааһынньыктара халыҥ соҕус эр дьон тапталлаахтарыгар бриллиант да бэлэхтээн үөрдүөхтэрин сөп.

Төрөппүттэргэ

Харчыҥ эппиэттиир буоллаҕына чугас дьоҥҥор муораҕа путевка бэлэхтиэххин сөп. Уһун кыһын кэннэ сылаас дойдуга тиийэн сынньанан абыраныахтара. Ол кыаллыбат буоллаҕына, массаас салонугар эбэтэр биир нэдиэлэҕэ  санаторийга путевката атыылас. 

 

Киһи чугас дьонугар бэлэх биэрэн үөрдэр, онон истиҥ иэйиитин уонна болҕомтотун уурарын биллэрэр. Ис сүрэхтэн бэлэх туохтааҕар да күндү буоларын умнумаҥ.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...