Килиэп сыаната үрдээтэ

Олунньу 10 күнүттэн Дьокуускайдааҕы килиэп кэмбинээтэ килиэп сыанатын үрдэттэ. Бу туһунан “Эхо столицы” сайт иһитиннэрдэ.
“Табаары уонна бородууктаны оҥорон таһаарарга туттуллубут үп, матырыйаал сыаната барыта үрдүүрүн учуоттаан, кэмбинээт олунньу 10 күнүттэн килиэп, булочка оҥоһуктарын кууһунан атыылыыр сыанатыгар ортотунан 5% индексация ыытар.   Ол эрээри куорат олохтоохторо сөбүлээн сиир 1-кы суортаах бурдуктан оҥоһуллар “Пшеничный” уонна “Дарницкай” килиэптэрэ кууһунан уонна биирдиилээн атыыга тахсар сыаналара үрдээбэт. Манна даҕатан эттэххэ, килиэп бу көрүҥнэригэр сыана 2018 сыл балаҕан ыйыттан уларыйбакка турар”, –  диэн кэпсээтэ “Дьокуускайдааҕы килиэп кэмбинээтэ” АУо генеральнай дириэктэрин эбээһинэһин толорооччу Ирина Фурман.