29.05.2020 | 16:47

Киин уокурук ханнык суоллара өрөмүөннэниэхтэрэй?

Киин уокурук ханнык суоллара өрөмүөннэниэхтэрэй?
Ааптар: Киин Куорат
Бөлөххө киир

“Куттала суох уонна хаачыстыбалаах айан суоллара” национальнай бырайыак чэрчитинэн быйыл Дьокуускай куорат Киин уокуругар оҥоһуллар суоллар тула ырытыһыы ыам ыйын 28 күнүгэр видео-сибээс ньыматынан буолан ааста.

Быйыл Киин уокурукка Курашов уулуссатын Лермонтов уулуссатыттан саҕалаан Ленин проспегар диэри, Орджоникидзе уулуссатын П.Алексеев уулуссатыттан саҕалаан Петровскай уулуссатыгар диэри, Поряков-Курашов, Поярков-П.Алексеев быһа охсуһуулара уонна П.Алексеев-Стадухин-Пирогов силбэһиилэрэ өрөмүөннэниэҕэ.

Сүрүн сакаасчыт быһыытынан “Главстрой” МКТ буолар, Курашов уулуссатын 1,069 км асфальт быһыллан уопсайа 10327 кв.м. иэннээх саҥа асфальт кутуллуоҕа.Ууну аһардар лотуоктар 57 №-дээх квартал өттүнэн ааһыахтара. Маны таһынан бырайыакка 5 саҥа остонуопка тутуута киирдэ. Бэдэрээччик “Алаас” – СТК ХЭТ.

Орджоникидзе уулуссатыгар 1,756 м. устата өрөмүөннэнэр, П.Алексеев уулуссатыттан Петровскай уулуссатыгар диэри кэрчигэ оҥоһуллар. Бу суолга эбии биир балаһа оҥоһуллуохтаах.  Бырайыакка билигин баар ууну аһардар лотуоктары элбэтиэхтэрэ. Дьон сатыы сылдьар сиригэр ууну аһардар лотуоктары бетон билиитэлэринэн, күөх үүнээйи олордуллар сирдэригэр тимир эрэһээҥкэнэн сабыахтара. Орджоникидзе уулуссатыгар 6 остонуопкаҕа саҥа павильоннар туруохтара. Бэдэрээччик - “Алаас” СТК ХЭТ буолар.

Поярков - Курашов, Поярков – П.Алексеев аат. уул. быһа охсуһууларыгар 0,432 км  өрөмүөнү «Сельдорстрой» ХЭТ ыытыаҕа. Манна уот, уу, канализация ситимин көһөрүү, суол өрөмүөнэ, ууну аһардыы систиэмэтин оҥоруу былааннанар. Маны тэҥэ тротуардары оҥоруу, уулуссаны сырдатыы, көҕөрдүү үлэлэрэ кытта киирэн сылдьаллар.

П.Алексеев – Стадухина – Пирогов уул. силбэһэр эргиирдэрин «Сельдорстрой» ХЭТ өрөмүөннүүр. Уопсайа 0,386 км. суол оҥоһуллуохтаах. Бу суол силбэһиитэ уокурукка улахан суолталаах суол буолар, туох баар коммуникацията барыта көһөрүөллүөхтээх. 2 м. кэтиттээх  тротуардар, 7 уулуссаны сырдатар банаардар туруохтаахтар. Үс дьапталҕалаах асфальт суол тэлгэниэхтээх.

Кэпсэтии кэмигэр куорат олохтоохторо Курашов уулуссатын тупсарыы, Поярков-Курашов уонна Поярков-П.Алексеев уулуссаларын быһа охсуһууларыгар, П.Алексеев-Стадухин-Пирогов силбһиилэригэр сөҥүү уутун аһардар лотуоктар тустарынан ыйыталастылар.

“Главстрой” МКТ бэрэстэбиитэллэрэ кэпсээбиттэринэн, национальнай бырайыак чэрчитинэн Курашов уулуссатыгар дьон сатыы сылдьар тротуардара күрүөлэниэхтэрэ. Ол эрэн манна көҕөрдүү үлэтэ киирбэтэх.

Поярков-Курашов, Поярков-П.Алексеев уул. быһа охсуһууларыгар уопсайа 7212 кв.м. суол,  2156, 66 кв. м. тротуар оҥоһуллар. Олохтоохтор киллэрбит этиилэрэ хайаан да учуокка ылыллыахтара.

Дьокуускай куорат уокуруктааҕы дьаһалтата ыам ыйын 21 күнүттэн бэс ыйын 5 күнүгэр диэри “Куттала суох уонна хаачыстыбалаах айан суоллара” национальнай бырайыагы киин куоракка олоххо киллэриигэ уопсастыбаннай ырытыылары тэрийэн ыытар. Куорат олохтоохторо өрөмүөн үлэтин туһунан кэпсэтиилэргэ видеоконференция ньыматынан (Zoom ID 7219345765), якутск.рф сайтка тахсар графигы көрөн кыттыһыахтарын сөп.

Национальнай бырайыак чэрчитинэн уопсайа 23,5 км уһуннаах 28 суол ситимэ оҥоһуллар. Бырайыак 5 сыл үлэлиирин тухары, 2019-2024 сылларга, 204,5 км суол саҥардыллыахтаах. Федаральнай, өрөспүүбүлүкэтээҕи уонна муниципальнай бүддьүөттэн уопсайа 1,5 млрд. солк. көрүллэр.

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...