22.07.2021 | 11:00

Киин куорат уонна Мэҥэ-Хаҥалас улууһун дьаһалталара бииргэ үлэлээһин сөбүлэҥин баттастылар

Киин куорат уонна Мэҥэ-Хаҥалас улууһун дьаһалталара бииргэ үлэлээһин сөбүлэҥин баттастылар
Ааптар: Киин Куорат

От ыйын 21 күнүгэр Дьокуускай куорат Уокуруктааҕы уонна Мэҥэ-Хаҥалас улууһун дьаһалталара бииргэ үлэлээһин сөбүлэҥин түһэристилэр. Докумуоҥҥа куорат баһылыга Евгений Григорьев уонна Мэҥэ-Хаҥалас улууһун баһылыга Николай Старостин илии баттаатылар.  
Сөбүлэҥ сүрүн сыала – уопсай интэриэстэри олоххо киллэрии, холобур, Сэбиэскэй Сойуус Героя Федор Попов аатын үйэтитэргэ бииргэ үлэлээһин,  олохтоох оҥорон таһаарааччылары өйөөһүн, култуураҕа, үөрэҕирии эйгэтигэр уонна спортка уопут атастаһыы. 
«Биһиги улуус дьаһалталарын уонна землячестволары кытта үлэлээһиҥҥэ улахан болҕомтобутун уурабыт. Бииргэ үлэлээһиммит уопута сүрдээх туһалаах», - диир Евгений Григорьев.
«Биһиги улууспут территорията урут киин куораты кытта сибээстээх этэ. Дьокуускай уонна Мэҥэ-Хаҥалас улууһа элбэх салааҕа биир хайысханан үлэлииллэр.  Сөбүлэҥҥэ илии баттаспыппыт социальнай-экономическэй сибээс бөҕөргүүрүгэр уонна нэһилиэнньэбит олоҕун таһыма үрдүүрүгэр төһүү күүһүнэн буолуоҕа», - диэн бэлиэтээтэ Николай Старостин.
Баһылыктар Дьокуускай куоракка Сэбиэскэй Сойуус Героя Федор Попов аатынан сквер тутуллар боппуруоһун быһаарыстылар. 
Ил Түмэн Судаарыстыбаннай Мунньах депутата Юрий Баишев куорат 20 №-дээх Федор Кузьмич Попов аатын сүгэр оскуолатыгар спортивнай сааланы тутарга этии киллэрдэ.

Сонуннар

28.05.2022 | 11:57
Клещ кэллэ!

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Сааскы Ньукуолун — күөххэ үктэнии өрөгөйө
Тускар туһан | 20.05.2022 | 14:00
Сааскы Ньукуолун — күөххэ үктэнии өрөгөйө
Ыам ыйын 22 күнэ – сааскы Ньукуолун. Кыһыҥҥы Ньукуолун ахсынньы 19 күнүгэр бэлиэтэнэр (День святого Николая Чудотворца) Таҥара дьиэтин  бырааһынньыга.   Саха дьонугар былыр-былыргыттан сааскы Ньукуолун күнэ олус ытыктанар, улахан суолталаах, күүтүүлээх. Бу күн уһун кыһыны этэҥҥэ туораан, күөххэ үктэнии үөрүүтэ-өрөгөйө буолар. Мөккүөрдээх соҕус да буоллар, бу күнү сорохтор өссө саха...
Бүтүн агробөһүөлэги туттарбыт салайааччы
Дьон | 22.05.2022 | 12:00
Бүтүн агробөһүөлэги туттарбыт салайааччы
Үлэ ситиһиилээх буолуутун төрдө – сатабыллаах, далааһыннаах быһаарыныылары ылынар салайааччы. Өссө ааспыт үйэ 60-с сылларыгар, этэргэ дылы, үрэх баһа дойдуга бүтүн агробөһүөлэги туттаран бүгүн даҕаны уос номоҕор сылдьар бөдөҥ салайааччы Иван Васильевич Николаев туһунан “Бырааттыы Мординовтар” музейы салайар Сардана Александровна Васильевалыын кэпсэттибит.   – Сардана Александровна,  Саха АССР төрүттэммитэ 100 сылынан...