28.12.2021 | 16:00

Киин куорат олохтоохторо уонна дьоһун-мааны ыалдьыттар!

Киин куорат олохтоохторо уонна дьоһун-мааны ыалдьыттар!
Ааптар: Киин Куорат
Бөлөххө киир

Саргылаах Саҥа дьылы көрсө биһиги ааһан эрэр сыл түмүктэрин таһаарар үгэстээхпит. Баҕа санааларбытын сааһылаан, инникигэ былаан оҥосторго, үүнэр сылбыт өссө таһаарыылаах, ситиһиилээх буолуон баҕарабыт. 
Дьокуускай куорат Дууматын дьокутааттара Куорат дьаһалтатын кытта куораппытын сайыннарарга, дьон олоҕун тупсарарга биир сыаллаах-соруктаах үлэлииллэр. Бүддьүөтү таҥарга тэриллибит Оробуочай бөлөх көдьүүстээхтик үлэлиирин көрдөрдө. Оробуочай бөлөх уонна Дьокуускай куорат Дууматын бастайааннай хамыыһыйалара көхтөөхтүк уонна таһаарыылаахтык үлэлээтилэр. Ол курдук, куорат 2022 сыллаах бүддьүөтүн таҥарга дьиэ кэргэн, доруобуйа харыстабылын эйгэтигэр үбүлээһин улаатта. Онон өрөспүүбүлүкэҕэ Ийэ сылын көрсөргө олук уурулунна. 
Итини таһынан, Дьокуускай куорат дьаһалтата Ил Дархан Айсен Николаевы кытта ыкса үлэтин түмүгэр, өрөспүүбүлүкэ бүддьүөтүттэн куорат сайдыытыгар туһуламмыт үтүмэн үп-харчы киириэхтээх. Үөрэх, култуура эйгэтин саҥа кирбиигэ таһаарарга муниципальнай, федеральнай бүддьүөттэн көмө оҥоһуллуоҕа.       
Өрөспүүбүлүкэ төрүттэммитэ 100-сыллаах үбүлүөйүн, тапталлаах Дьокуускай куораппыт 390-сылын киин куораппыт көстүүтүн ситэрэн-хоторон, тупсаран биэрэн сэргэхтик көрсүөхпүт. Култуура саҥа эбийиэктэрэ, дьон олорор дьиэтэ тутуллан олоххо киириэҕэ, оскуолалар, уулуссалар өрөмүөннэнэн, маршрутнай оптуобустар, тиэхиньикэ саҥардыллан иһиэҕэ.   
Дьокуускай куорат Дуумата 2022 сылга төрүттэммитэ лоп курдук 200 сылын бэлиэтиэҕэ. Онон эргиччи үбүлүөйдээх сылга үктэниэхпит. 
Дьоллоох Дьокуускай куорат дьоһун-мааны олохтоохторо уонна ыалдьыттар! Кэлэн иһэр Саргылаах саҥа 2022 сылынан итиитик-истиҥник эҕэрдэлиибин! Саҥа сылга бары чэгиэн-чэбдик уонна дьоллоох буолуҥ! Ийэ сылыгар бука бары ийэлэр уонна оҕолор чугас дьоҥҥут тапталыгар сууланан, куруук үөрэ-көтө сылдьыҥ! Төрөөбүт төрүт дойдубут, Сахабыт сирэ, тапталлаах киин куораппыт туругура, өрүү үүнэ-сайда туруохтун!  
 

Дьокуускай куорат Дууматын бэрэссэдээтэлэ Семенов А.Н.

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
“Сүүрэр суолга – Владимир Слепцов!”
Спорт | 18.06.2024 | 14:15
“Сүүрэр суолга – Владимир Слепцов!”
Спорт көрүҥнэриттэн биир бастыҥнара уһун сиргэ сүүрүү. Ырааҕы сүүрүүнэн ылбычча киһи дьарыктаммат. Бэйэтин кэмин аатырбыт сүүрүгэ-быһыйа, Саха АССР рекордсмена, стайер уонна марафонец Владимир Слепцову ааспыт үйэ 60-80 сылларын дьоно үчүгэйдик өйдүүр-билэр. Быйыл рекорд олохтообута лоп-курдук 50 сыла. Аҕаларын, эһэлэрин кэриэстээннэр оҕолоро, сиэннэрэ, бииргэ төрөөбүт балта  Людмила Пантелеймоновна, быраата Артем Пантелеймонович...
ЭкоБизнес —  Айылҕаҕа харыстабыллаах  сыһыаҥҥа тирэҕирэн
Дьон | 14.06.2024 | 14:00
ЭкоБизнес — Айылҕаҕа харыстабыллаах сыһыаҥҥа тирэҕирэн
Дьокуускайга бизнес араас хайысхата сайдар. Олохтоох бородууксуйаны оҥорон атыыга таһаарыы ордук элбэх эбит буоллаҕына, туризм курдук өҥөнү оҥорор предпринимателлэр тарбахха баттаналлар. Юлиана уонна Захар Алексеевтар элбэх оҕолоох дьиэ кэргэн Дьокуускай таһынааҕы Капитоновка сэлиэнньэтигэр туристическай бизнеһи сайыннаран эрэллэр.   Оҕолор улааттылар диэн саҕалаабыппыт – Биһиги үс уоллаахпыт. Улахаттарбыт 14 саастарын туолбуттарын кэннэ,...
Олоҥхо ыһыаҕар анаан Дьокуускайтан айанныыр паром ахсаана элбэтиллэр
Сонуннар | 14.06.2024 | 10:17
Олоҥхо ыһыаҕар анаан Дьокуускайтан айанныыр паром ахсаана элбэтиллэр
XVII-с өрөспүүбүлүкэтээҕи Олоҥхо ыһыаҕа быйыл бэс ыйын 20-21 күннэригэр Аммаҕа Муона чараҥа айылҕа маанылаах миэстэтигэр ыытыллаары турар.  Ыһыах мааны ыалдьыттарынан өрөспүүбүлүкэ 32 муниципальнай тэриллиититтэн 15 тыһыынчаттан тахса киһи буолуоҕа. Айанньыттарга анаан «Дьокуускай – Аллараа Бэстээх» хайысханан 15 паром сылдьыаҕа, Амма сэлиэнньэтин иһинэн оптуобустар, ыһыах түһүлгэтигэр тиэрдэр шатллар сүүрүөхтэрэ. Түһүлгэҕэ 3...