29.08.2020 | 11:45

Киин куорат оҕолоро хайдах үөрэнэллэрэ билиннэ

Киин куорат оҕолоро хайдах үөрэнэллэрэ билиннэ
Ааптар: Киин Куорат
Бөлөххө киир

Бэҕэһээ, ол эбэтэр атырдьах ыйын 28 күнүгэр, Дьокуускай куорат дьаһалтатыгар суһал штаб үлэлээтэ, ол түмүгэр 2020-2021 үөрэх дьылын туһунан анал дьаһал таҕыста.

Ол курдук, Үөрэх управлениетын начаалынньыга Алексей Семенов иһитиннэрбитинэн, балаҕан ыйын 1 күнүттэн алын сүһүөх кылаас оҕолоро бары оскуолаҕа үөрэниэхтэрэ. Оттон 5-11 кылаас үөрэнээччилэрэдистанционнай ньыманан үөрэниэхтэрэ, ол эрээри 9, 11 кылаастар консультациялара оскуолаларга буолуоҕа, онно оҕолор бөлөххө аҕыйахтыы буолан сылдьыахтара.

Алын сүһүөх үөрэнээччилэрин төрөппүттэрэ оҕолорун доруобуйатын харыстыыр, быраастар оннук сүбэлиир буоллахтарына, сайабылыанньа суруйуохтарын уонна дистанционнай үөрэхтээһини талыахтарын сөп. Ол туһунан “Киин куорат” хаһыат бу нэдиэлэтээҕи нүөмэригэр суруйбуппут.

Быйыл 1-4 кылаас үөрэнээччилэригэр босхо итии аһылык тэриллиэҕэ. Онуоха федеральнай, өрөспүүбүлүкэ, муниципальнай бүддьүөттэн харчы көрүллүбүт. Үөрэх тэрилтэлэрэ оҕолору аһатар, уруоктар икки ардыларыгар уоскулаҥҥа туспа график оҥоруохтара. Бу туһунан атырдьах ыйын 24 күнүгэр куорат баһылыгын социальнай боппуруостарга солбуйааччы Наталья Степанова инстаграмҥа быһа эфиргэ эппитэ.

Оскуола иннинээҕи үөрэхтээһин тэрилтэлэрэ балаҕан ыйын 1 күнүттэн туох баар миэрэни тутуһан туран үлэлэрин саҕалыахтара. Оттон эбии үөрэхтээһин тэрилтэлэрэ оҕолору дистанционнай көрүҥүнэн дьарыктыахтара.

Дьокуускай оскуолаларыгар, оҕо уһуйааннарыгар Роспотребнадзор сүбэтинэн коронавирустан сэрэхтээх буолуу усулуобуйата барыта тэриллэр. Балаҕан ыйын 1 күнүгэр диэри үөрэх тэрилтэлэрэ рециркулятордарынан, термометрдарынан, дезинфекциялыыр сириэстибэлэринэн, дозатордарынан хааччыллыахтара. 

“Хас биирдии кылааска салгыны ыраастыыр рециркулятордар туруоруллуохтара, онон оҕолор уруок кэмигэр мааскалаах олороллоро ирдэммэт. Пищеблок үлэһиттэрэ бары харыстанар сириэстибэлэринэн хааччыллыахтара”, – диэбитэ куорат баһылыгын солбуйааччы Н.Р. Степанова.

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...
Дьахтар киэли хапчаҕайын искэниттэн өлүө суохтаах
Сонуннар | 07.06.2024 | 10:00
Дьахтар киэли хапчаҕайын искэниттэн өлүө суохтаах
Искэн төрүүр-ууһуур саастаах эдэр дьахталлары булара аан дойду онкогинеколог быраастарын ордук дьиксиннэрэр. Саха сиригэр дьахтар аймах ортотугар киэли хапчаҕайын араага (рак шейки матки) эмиий искэнин кэнниттэн иккис миэстэҕэ турар уонна онкология ыарыытыттан өлүү биир сүрүн төрүөтүнэн буолар. Хомойуох иһин, дьахтар аймах 83%-на балыыһаҕа хомнуо-хойут, ыарыы хайыы үйэ ытарчалыы ылбытын кэннэ...
Үөрэнээччилэр спартакиадалара
Спорт | 07.06.2024 | 12:00
Үөрэнээччилэр спартакиадалара
Өрөспүүбүлүкэ үөрэнээччилэрин спартакиадата бэс ыйын 6-10 күннэригэр спорт 29 көрүҥэр 35 улуустан 1700 оҕо кыттыылаах буолуоҕа.  Бу туһунан билиһиннэрэр пресс-конференцияны Саха Өрөспүүбүлүкэтин үөрэххэ уонна наукаҕа миниистирин солбуйааччы Альбина Аргунова, “Спортивные якутяне” Киин дириэктэрин солбуйааччы Александр Брызгалов уонна Спартакиада сүрүн судьуйата Юрий Балаганскай иһитиннэрдилэр. Спартакиада кыайыылаахтарыгар туттарыллыахтаах Кубоктар, мэтээллэр, спортсменнар экипировкалара...