Киин куорат бастыҥ социальнай педагогун аата билиннэ

«Бастыҥ социальнай педагог – 2023» өрөспүүбүлүкэтээҕи күрэх муниципальнай түһүмэҕэ олунньу 15 күнүттэн кулун тутар 2 күнүгэр диэри икки түһүмэҕинэн ыытылынна, экспертнэй хамыыһыйа 7 кыттааччыны сүүмэрдээтэ.

Түмүккэ күрэх муниципальнай түһүмэҕин муҥур кыайыылааҕынан М.И. Кершенгольц  аатынан 9-с №-дээх орто оскуола социальнай педагога Галина Горохова буолла. Кини киин куорат аатыттан күрэх өрөспүүбүлүкэтээҕи түһүмэҕэр кыттыаҕа.

Номинациялар хаһаайыттара:

- «Креативнай социальнай педагог» - Людмила Кривошапкина, 3-с  №-дээх орто оскуола;

- «Төрөппүттэри кытта үлэлээһин бастыҥ быраактыката» - Марина Обутова, 5-с №-дээх орто оскуола;

- «Айар үлэ көрдөөһүнэ» - Надежда Баишева, Новопашин аатынан 10-с №-дээх орто оскуола;

- «Идэтийии суола» - Марианна Бурцева, Новопашин аатынан 10-с №-дээх орто оскуола;

- «Кэскиллээх социальнай педагог» - Валерия Иванова, 28-с №-дээх адаптивнай оскуола-интэринээт;

- «Бастыҥ маастар-кылаас» - Юлия Константинова, Самсонов аатынан Хатас орто оскуолата;

- «Сыл арыйыыта» - Галина Горохова, М.И. Кершенгольц  аатынан 9-с №-дээх орто оскуола.

ИДьМ «Якутское» управлениетын аатыттан «Сокуоннай саастарын ситэ илик оҕолор ортолоругар көхтөөх сэрэтэр үлэ иһин» тус номинация Марина Обутоваҕа, Марианна Бурцеваҕа уонна Юлия Константиноваҕа ананна. Сокуоннай саастарын ситэ илик оҕолор хамыыһыйаларын эппиэттээх сэкирэтээрэ Наталья Андросова анал бирииһи 31-с №-дээх оскуола социальнай педагогугар Светлана Николаеваҕа туттарда.

Кыайыылаах уонна номинаннар Олохтоох дьаһалта Үөрэҕириигэ управлениетын дипломнарынан, спонсордартан сыаналаах бириистэринэн наҕараадаланнылар.