01.04.2022 | 14:51

Киин куорат бастыҥ кылаас салайааччылара кимнээҕий?

Киин куорат бастыҥ кылаас салайааччылара кимнээҕий?
Ааптар: Наталья РУФОВА

Дьокуускай куорат оскуолалар ортолоругар буолан ааспыт ''Бастыҥ кылаас салайааччыта'' күрэх кыайыылааҕынан Н.Е., П.Н. Самсоновтар ааттарынан Хатас орто оскуолатын эдэркээн учуутала Егор Алексеевич Оконешников ылары ситистэ! 

Кэрэхсэбиллээҕэ диэн, Дьокуускай куорат 3 №-дээх оскуолатыттан кыттан иккис миэстэни ылбыт Александра Александровна Олейникова (Егорова) эмиэ Хатастан сыдьааннаах, биһиги биир бастыҥ, киэн туттар, олоххо көхтөөх киһибит.


Егор Алексеевич сүрдээх сэмэй, ис-тас туруктуун чэбэр, сиртэн-буортан тэйбит сэргэх, кэпсэтэргэ-ипсэтэргэ аһаҕас учуутал. Кылааһа ураты – гендернэй. Оҕолоро орто сүһүөх звеноҕа атын-атын кылаастартан хомуллубут буоланнар, аалсыы, алтыһыы, бэйэ-бэйэни билсии судургута суоҕа биллэр, муҥхаал да соҕус түгэннэр бааллара. Аҥаардас уол оҕо түмсүбүт кылааһа тургутуһан, мордьооттоһон, хохучуоллаһан да көрөрүн туох диэҥий... 

–    Сүрдээх интэриэһинэй, элбэҕи биэрэр күрэххэ кытынным. Биллэн турар, соҕотох эбитим буоллар, санаммат да тэрээһиним. Бастатан туран, оскуолам салалтатыгар, бииргэ үлэлиир кэллиэгэлэрбэр, доҕотторбор, кылааһым төрөппүттэригэр, дьиэ кэргэммэр махталым муҥура суох – Обоюкин Р.В., Окороков М.С., Попов А.И., Протасов Н.В., Софронова М.Д., Туприна Р.Д., Портнягина Я.В., Маркова Н.И., Обоюкина Л.П., Дьячковская Р.К., Игнатьев А.В., Томская А.А., Копырина Я.В., Константинова Ю.М., Слепцова И.Г., Павлова Т.А. Оҕолорум улааттылар, номнуо 8-с кылаас буоллубут. Дьоһун дьон. Күрэхпит үс түһүмэхтээх этэ. Саамай сэргээһини, интэриэһи тарпыт түһүмэх оҕолорбутун кытта туох бырагырааманан, инники былааннаах, хайдах ньымалары туттан үлэлиирбитин кэпсээһин этэ. Бэйэм биир саамай тутуһар өйдөбүлүм – саха киһитэ айылҕаҕа чугас буолуохтаах. Онон дьыл хайа да кэмигэр айылҕаны кытта алтыһар тэрээһиннэри ыытабыт. Ол билиҥҥи наһаа барбыт компьютеризация, интернет үйэтигэр оҕолорго сонун, саҥа да курдук. Уонна оттон саха буоламмыт хааммыт тарда сыттаҕа. Булт-алт суруллубатах сокуоннара, тыынар тыыннаахха сыһыан, үгэстэри билии курдукка сыһыаран походтар, куйуурдааһыны кытта билиһиннэрии, муҥха, тыа кыылларыгар аһыыр сири бэлэмнээһин уо.д.а. саха оҕотугар син биир чугас. Быйыл саамай өйгө-санааҕа хаалбыт тэрээһиммит диэн – Аҕа дойду көмүскээччитин күнүгэр анааммыт «Армия олоҕуттан биир күн». Оҕолор бэйэлэрэ да астыммыттара, биһиги, тэрийээччилэр даҕаны оҕолорбут тугу сатыылларын, билэллэрин көрөн үөрбүппүт, - диэн санаатын үллэстэр Дьокуускай куорат бастыҥ кылаас салайааччыта Егор Оконешников. 


Күрэххэ сүүрбэ буолан кытынныбыт. Кэпсээним түмүгэр бэйэм оскуолатааҕы кылааһым салайааччытыгар Маргарита Дмитриевна Софроноваҕа махтал тылбын тиэрдиэхпин баҕарабын. Оскуола саҕаттан күн бүгүҥҥүгэ диэри сибээспитин быспаппыт. Манна даҕатан эттэххэ, иккис миэстэ буолбут Александра Олейникова эмиэ киниэхэ махтала улахан эбит. Онон иккиэммит да аатыттан махтал!

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Похуоттуу бардыбыт!
Сынньалаңңа | 14.05.2022 | 15:33
Похуоттуу бардыбыт!
Бу күннэргэ дьиэ кэргэнинэн, кылааһынан похуоттар саҕаланыахтара. Үчүгэй сынньалаҥы көрдөөх бырагыраама киэргэтэр. Сөбүлэһэҕит? Оччоҕуна “Киин куорат” бэлэмнээбит оонньууларын сэргээҥ, сэҥээриҥ!    Хамсаныылаах оонньуулар «Светофор» Хонууга эбэтэр балаһааккаҕа оонньонор. Онно икки уһун сурааһыны тардаҕыт. Бастакы сурааһын кэннигэр кыттааччылар оонньуу саҕаланыытыгар тураллар. Оттон иккис сурааһыҥҥа диэри ыытааччыттан (эккирэтэр киһи) куотан тиийиэхтээхтэр. Бастаан ыытааччыны...