Киин куорат 112 ыалын дохуотун ыйыталаһыахтара

Сарсыҥҥыттан, тохсунньу 18 күнүттэн 31 күнүгэр диэри уонна олунньу 11-14 күннэригэр, Дьокуускай куоракка икки түһүмэҕинэн 112 ыалга социологическай чинчийии ыытыллаары турар.

Чинчийии сүрүн соруга – нэһилиэнньэ дохуота уонна социальнай бырагыраамаларга кыттар кыаҕа.

Талыллыбыт аадырыстар:

202-с мкрн 18, 18/1, 25, 25/1, 25/2 №№-дээх дьиэлэрэ;

Дзержинскэй уул., 8/2;

Чиряев уул., 1/1;

Борисовка-1 мкрн 33, 34, 35, 36, 37, 38, 39, 40, 41, 41/1, 42, 43, 44, 45, 50, 51, 55, 56, 57, 58, 59, 60, 61 №№-дээх дьиэлэрэ;

Олег Кошевой уул., 1, 1/1, 3, ¾, 4, 6, 7, 8/1, 9, 11, 12, 12/1, 13, 14, 16, 17, 20, 20/4, 21, 25, 26, 27/2, 28, 30/1, 30А, 34, 34/2а, 35/1, 35/2, 36, 39, 39/1, 40, 41, 42, 44/1, 45 №№-дээх дьиэлэрэ.

Тэрээһин ыал дохуота, бас билиитэ хамнаһыттан тутулугун, социальнай пособиелар, пиэнсийэ дьиэ кэргэн материальнай балаһыанньатыгар сабыдыалын, нэһилиэнньэ социальнай-экорномическай балаһыанньатын, социальнай бырагыраамаларга, страховкалааһыҥҥа кыттар кыаҕын, социальнай өйөбүл миэрэлэрэ нэһилиэнньэ кыаммат араҥатыгар сабыдыалын көрдөрөр официальнай статистиканы оҥорор сыалтан ыытыллар.

Чинчийиини ыытааччылар ыалларынан сылдьалларыгар Судаарыстыбаннай статистика федеральнай сулууспатын дастабырыанньалаах буолуохтара. Ыйытыыларга хоруйдар дьиэлээх киһи тылыттан суруллалллар. Маныаха дьиэлээхтэртэн докумуон ирдэммэт. Суруллубут хоруйдар киэҥ араҥаҕа тарҕамматтар.

Арассыыйа үрдүнэн маннык тэрээһин 60 тыһыынча хаһаайыстыбаҕа ыытыллар, ол иһигэр Саха сиригэр 16 нэһилиэнньэлэх пууҥҥа 528 ыалга сылдьан, ыйытыыларга хоруйдуурга көрдөһүөхтэрэ.

Тэрээһин РФ Бырабыыталыстыбатын 27.11.2010 с. №946, 11.07.2015 с. №698 уураахтарын уонна 06.05.2008 с. №671-р уурааҕынан бигэргэтиллибит статистика үлэтин федеральнай былаанын иитинэн ыытыллар.

СӨ Судаарыстыбаннай статистика уоргана биэрэпиһи уонна чинчийиилэри ыытыыга салаата үөскүүр ыйытыыларга хоруйдуурга бэлэм: 8(4112) 42-00-52, диэн иһитиннэрэр Судаарыстыбаннай статистика федеральнай уорганын Саха Өрөспүүбүлүкэтигэр территориальнай уоргана.