04.03.2022 | 16:00

Киин куоракка саҥа оптуобустар кэллилэр

Киин куоракка саҥа оптуобустар кэллилэр
Ааптар: Киин Куорат
Бөлөххө киир

Кулун тутар 3 күнүгэр Дьокуускайга «ЯПАК» муниципальнай тэрилтэ ылбыт КАВЗ  мааркалаах саҥа 2 оптуобус кэллэ. Бу иннинэ, кулун тутар 1 күнүгэр 4 оптуобус кэлбитэ, өссө 2 Тыындаттан айаннаан иһэллэр. Саҥа оптуобустары куорат баһылыга Евгений Григорьев көрдө-иһиттэ. Бу туһунан Олохтоох дьаһалта пресс-сулууспата иһитиннэрдэ.
 «ЯПАК» МУТ информациятынан, саҥа оптуобустар кондиционердаахтар, иккилии хос стеклопакеттаахтар, муосталара эмиэ иккилии хос, эбии ититэр тэриллээхтэр уонна доруобуйаларын туругунан хааччахтаах гражданнарга аналлаах табыгастаах эйгэ ирдэбиллэригэр толору эппиэттииллэр. «Ходовой» чаастарын «ЯПАК» «туйгунунан» сыаналаата. Итини таһынан, саҥа тиэхиньикэ гааһынан айанныыр, экологияҕа буортуну оҥорбот уонна барыстаах. 
«Бу сыл тухары Дьокуускайга куорат кытыыларыгар сылдьар оптуобустар бүтүннүү саҥардыллыахтара. Итиннэ эбии 15 оптуобус куорат иһигэр сүүрүөхтэрэ. Маны таһынан, «ЯПАК» МУТ 10 оптуобуһа оройуоннар икки ардыларыгар сылдьар буолуохтара. Бүгүҥҥү күннээҕи туругунан бары оптуобустар собуокка хомуллан кэлэргэ бэлэм тураллар», – диэтэ  Евгений Григорьев. Кини өрөспүүбүлүкэ Бырабыыталыстыбатын уонна тырааныспарга Министиэристибэтин кытта бииргэ үлэлэспит былааннар уонна туруоруллубут соруктар ситиһиилээхтик олоххо киирэн иһэллэрин бэлиэтээтэ. 
100 саҥа оптуобус Саха АССР төрүттэммитэ 100 сылыгар атыылаһынна. 
Манна даҕатан эттэххэ, саҥа оптуобустар бары Дьокуускайга муус устар 10 күнүгэр диэри кэлиэхтээхтэр. Ол иһигэр 65 КАВЗ мааркалаах улахан кылаастаахтары «ЯПАК» МУТ атыыласпыт. Итинтэн 55-һэ куорат иһигэр уонна кытыыларынан, оттон 10 оптуобус муниципальнай тэриллиилэр икки ардыларыгар чугаһынааҕы оройуоннарга – Горнайга, Намҥа, Хаҥаласка, Мэҥэ Хаҥаласка уонна соҕуруу өттүгэр – Алдаҥҥа, Нерюнгрига сылдьыахтара. 
«Союз Авто» кэмиэрсийэтэ суох уопсастыба чааһынай таһааччылара атыыласпыт 35 ПАЗ оптуобустара «Вектор NEXT» мааркалаахтар, орто кылааска киирсэллэр.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...