Киин куоракка үс ыйдаах ыраастааһын саҕаланна
Баһылык эбээһинэһин толорооччу Евгений Григорьев дьаһалынан олунньу 8 күнүттэн бэс ыйын 1 күнүгэр диэри киин куоракка үс ыйдаах ыраастааһын биллэрилиннэ. Сыл аайы ыытыллар тэрээһин былырыын олунньу 15 күнүттэн бэс ыйын 1 күнүгэр диэри салҕаммыта.
Бу кэмҥэ тэрилтэлэр, кэлэктииптэр үлэлэрин куорат баһылыгын бастакы солбуйааччы Роман Сорокин салайааччылаах анал штаб хонтуруоллуоҕа.
Быйыл чааһынай дьиэ элбэх сирдэрин кыраҕытык кэтиэхтэрэ. Ол курдук, ааһар суолга хаардарын көҥүлэ суох таһааран тоҕор бас билээччилэр административнай эппиэтинэскэ тардыллыахтара.
Ыраастааһын ыытыллар ыйдарыгар рейдэлэр ыытыллыахтара. Ирдэбиллэри тутуспат, кэһэр түгэннэри Дьокуускай куорат Административнай хамыыһыйата көрүөҕэ.
Маны таһынан, былаан быһыытынан дьиэ кыылларыгар регистрация оҥоһуллубутун, быһыы бэриллибитин-суоҕун бэрэбиэркэлиир үлэ ыытыллыаҕа.
Сонуннар
Ордук ааҕаллар
