23.07.2021 | 10:00

Киин куоракка почта үлэһиттэрин эҕэрдэлээтилэр

Киин куоракка почта үлэһиттэрин эҕэрдэлээтилэр
Ааптар: Киин Куорат

От ыйын 22 күнүгэр куорат Уокуруктааҕы дьаһалтатыгар  арассыыйатааҕы почта Күнүнэн «Почта России» АУо бастыҥ үлэһиттэрин наҕараадалааһын буолла. 
Саха сиринээҕи 431 почтовай сибээс салаатын түмэр «Почта России» ситимигэр 2 300-тэн  тахса киһи үлэлиир. АУо элбэх ахсааннаах киһини үлэлэтэр бөдөҥ тэрилтэлэртэн  биирдэстэрэ, Арассыыйа үрдүнэн 390 тыһ. үлэһиттээх.   
Арассыыйатааҕы почта Күнүгэр анаммыт үөрүүлээх тэрээһиҥҥэ куорат баһылыга Евгений Григорьев, Дьокуускайдааҕы куорат Думатын Бэрэссэдээтэлэ Альберт Семенов, СӨ федеральнай почтовай сибээһин Управлениетын дириэктэрэ Петр Птицын кытыннылар. 
Куорат баһылыга эҕэрдэ тылыгар Дьокуускайга почтовай сибээс тэтимнээхтик сайдарын, 600 киһилээх 22 почта салаата үлэлиирин бэлиэтээтэ. 
«Биһиги ыраах сиргэ баар аймахтарбытыттан уонна доҕотторбутуттан үтүө сонуну истээри почтаны күүтэбит.  Бүгүҥҥү күҥҥэ бары көхтөөхтүк интэриниэт нөҥүө атыылаһаллар, дьиэҕэ олорон баһыылка ханна тиийбитин көрөр наһаа табыгастаах. Күннээҕи олохпутугар бааргыт уонна олохпутун табыгастаах оҥороргут, дьону ситимнииргит иһин махталбын тиэрдэбин», - диэтэ Евгений Григорьев.
СӨ федеральнай почтовай сибээһин Управлениетын дириэктэрэ Петр Птицын махталын биллэрэн туран үлэ инники былааннарын кэпсээтэ. 
«Саха сиригэр «Почта России» – почтаны аҕалыы эрэ буолбатах, ону сэргэ ордук ыраах оройуоннарга наадалаах үп-харчы өҥөлөрө. Өрөспүүбүлүкэ үрдүнэн биһиги ситиммитигэр 431 салаа баар, ол иһигэр 87 арктическай оройуоннарга», - диир Петр Птицын.
Үтүө суобастаах үлэлэрин, почта сибээһин уонна өрөспүүбүлүкэ социальнай-экэнэмиическэй сайдыыларыгар  тус кылааттарын иһин СӨ баһылыгын Махтал суругун Арктикатааҕы почтамт начаалынньыга Саргылана Турантаеваҕа, Ил Түмэн Судаарыстыбаннай мунньах Махтал суругун почта сибээһин Автотранспортнай салаатын Диспетчерскэй бөлөҕүн диспетчерэ Ольга Игнатьеваҕа туттардылар. Өрөспүүбүлүкэ уонна киин куорат почтовай сибээһин бастыҥ үлэһиттэрэ куорат баһылыгын, Дьокуускайдааҕы куорат Думатын уонна «Почта России» АУо генеральнай дириэктэрин аатыттан Махтал суруктарынан наҕараадаланнылар.

Сонуннар

Ордук ааҕаллар

«Sakhalifting» тардынааччылара сөхтөрөллөр
Спорт | 14.01.2022 | 20:42
«Sakhalifting» тардынааччылара сөхтөрөллөр
Ханна да тиийдэххэ, физкультуранан уонна спордунан утумнаахтык дьарыктанааччылар бааллар.  Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...
«Инникигэ хардыы» конференцияҕа Дьокуускайтан 263 үөрэнээччи кыттар
Сонуннар | 11.01.2022 | 12:00
«Инникигэ хардыы» конференцияҕа Дьокуускайтан 263 үөрэнээччи кыттар
Тохсунньу 8 күнүгэр «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция үөрүүлээхтик арылынна. Манна 34 оройуонтан 1 700 тахса үөрэнээччи бэйэлэрин научнай-чинчийэр  үлэлэрин түмүгүн билиһиннэрэллэр.  «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция куораттааҕы түһүмэҕэр 2021 сыл сэтинньи 10 күнүттэн ахсынньы 16 күнүгэр диэри дистанционнай форматынан...
Дьокуускай салалтата крематорий тутуутун көҥүллээтэ
Сонуннар | 11.01.2022 | 16:00
Дьокуускай салалтата крематорий тутуутун көҥүллээтэ
Олохтоох дьаһалта «Быдан Эргиир» ХЭТ киин куоракка колумбарийдаах крематорий тутарыгар көҥүлү биэрдэ. Ити туһунан куорат баһылыгын нэдиэлэтээҕи планеркатыгар этиллиннэ диэн иһитиннэрдэ  Олохтоох дьаһалта пресс-сулууспата.  Куораты тутууга уонна тырааныспар инфраструктуратыгар Департамент информациятынан, 2021 сыл кулун тутар ыйыгар «Национальная мемориальная компания» ХЭТ диэн Арассыыйа территориятыгар кремациялыыр комплекстары тутуу операторыттан коммерческай этии киирбит....
Окружной шоссеҕа саҥа светофордар
Сонуннар | 11.01.2022 | 14:00
Окружной шоссеҕа саҥа светофордар
Олохтоох дьаһалта тырааныспарга уонна суол инфраструктуратыгар Управлениетын информациятынан, Окружной шоссеҕа суолга куттал суох буолуутун хааччыйар сыаллаах икки светофор холбоммут. Кинилэр суол икки өттүнэн – Окружной шоссе быһа охсуһуутуттан уонна Космонавтар  уулуссаларыттан чугас тураллар. Бу туһунан Олохтоох дьаһалта пресс-сулууспата иһитиннэрдэ.  Светофордар суол икки өттүнэн барар тырааныспары тэҥҥэ тохтотор гына оҥоһуллубуттар. Оччоҕо...