Киин куоракка «Мөлүйүөн сибэкки» күрэх түмүктэннэ

От ыйын 2 күнүттэн атырдьах ыйын 23 күнүгэр диэри Дьокуускайга «Куорат хаһаайыстыбатын үлэлэтэр сулууспа» МКТ «Мөлүйүөн сибэкки» күрэҕи тэрийэн ыыппыта. Уокуруктааҕы дьаһалта пресс-сулууспата күрэх түмүктэрин иһитиннэрдэ. 
Быйылгы күрэххэ кыттыан баҕалаахтартан 11 сайаапка киирбит. Күрэх түмүгүнэн «Тэрилтэлэр» номинацияҕа I миэстэни уонна 30 тыһыынча солкуобайдаах харчынан граны «Якутский хлебокомбинат» АУо ылла. 
II-с миэстэҕэ – Дьокуускайдааҕы ГРЭС («Якутскэнерго» ПАУо), 20 тыһыынча солкуобайга тигистэ.
«Оскуолаҕа киириэх иннинээҕи үөрэҕирии тэрилтэлэрэ» номинацияҕа I миэстэҕэ – оҕо сайдыытын Киинэ, 86 №-дээх «Колокольчик» оҕо уһуйаана (грант – 50 тыһыынча солкуобай). 
II миэстэҕэ – оҕо сайдыытын Киинэ, 3 №-дээх «Катюша» оҕо уһуйаана (грант – 30 тыһыынча солкуобай). 
III миэстэҕэ – 14 №-дээх «Журавлик» оҕо уһуйаана, (грант – 20 тыһыынча солкуобай). 
«Уопсай үөрэхтээһин тэрилтэлэрэ» номинацияҕа «Городская классическая гимназия» МО БУ кыайыылааҕынан таҕыста уонна 50 тыһыынча солкуобайынан наҕараадаланна. 
II миэстэҕэ – «Якутский медицинский колледж» ГБПОУ, (грант – 30 тыһыынча солкуобай). 
III миэстэҕэ — «М.К. Аммосов аатынан Хотугулуу-Илиҥҥи федеральнай университет», (грант – 20 тыһыынча солкуобай). 
«Тиэргэн территорията» номинацияҕа I миэстэни Жорницкай уулуссатын 7/10 элбэх кыбартыыралаах дьиэтин олохтоохторо ылбыттар (грант – 20 тыһыынча солкуобай). 
II миэстэҕэ – Бестужев-Марлинскай уулуссатын, 9/2 элбэх кыбартыыралаах дьиэтин олохтоохторо (грант – 15 тыһыынча солкуобай). 
III миэстэҕэ – Ларионов уулуссатын, 8 элбэх кыбартыыралаах дьиэтин олохтоохторо (грант – 10 тыһыынча солкуобай). 
14 №-дээх «Журавлик» оҕо уһуйаана «Лучший цветник» номинацияҕа анал бирииһинэн бэлиэтэммит уонна «One cliсk Yakutia» порталга куоластааһын кыайыылааҕынан тахсыбыт. 
«Мөлүйүөн сибэкки» күрэххэ юридическэй уонна физическэй сирэйдэр, предпринимателлэр, коммерческайа суох тэрилтэлэр, территориальнай бэйэни салайыныы уопсастыбалара кыттыбыттар.