Киин куоракка коронавируснай инфекцияны тарҕаппат миэрэлэри тутуһуу хонтуруолланар

Дьокуускайга уопсастыбаннай тырааныспарга, атыы-эргиэн, саататар уонна аһылык эбийиэктэригэр санитарнай-эпидемическэй  ирдэбиллэри хонтуруоллааһын эриэйдэлэрэ салҕаналлар.

Атырдьах ыйын 18 күнүгэр салалта территориальнай уорганнарын испэсэлиистэрэ 31 эбийиэги, ол иһигэр 6 оптуобуһу бэрэбиэркэлээтилэр. Түмүккэ Гагаринскай уокурукка биир санитарнай ирдэбили кэһии биллибит, итиннэ атыы-эргиэн  уонна тырааныспар 8 эбийиэгэ бэрэбиэркэлэммит. Киин уокурукка эмиэ биир ирдэбили кэһии тахсыбыт, 2 эбийиэк көрүллүбүт. Автодорожнай, Губинскай, Сайсаар уокуруктарыгар уонна Марха микрооройуонугар туох да кэһиилэри булбатахтар. Октябрьскай, Промышленнай, Строительнай уокуруктарыгар эриэйдэ ыытылла илик.
Атырдьах ыйын 18 күнүгэр СӨ КоАП 3.8 «Несоблюдение требований нормативных правовых актов РС (Я), направленных на предотвращение и устранение последствий распространения новой коронавирусной инфекции (COVID-19)» ыстатыйатынан биир боротокуол толоруллубут.
Отчуоттаах кэм устата барыта 293 боротокуол оҥоһуллубут. Итинтэн 192 дьыала мировой суукка көрүллүбүт. 177 тэрилтэҕэ сэрэтии бэриллибит, олортон 14-дэ ыстарааптаммыт, биир тэрилтэ буруйу кэһиитэ бигэргэтиллибэккэ дьыалата тохтотуллубут.
Атыы-эргиэн үлэһиттэрин уонна оптуобус суоппардарын кытта коронавируснай инфекция тарҕамматын курдук хааччахтыыр миэрэлэри тутуһуу булгуччулааҕын туһунан бэсиэдэ ыытыллыбыт.