13.12.2023 | 10:00

Киин куоракка киинэ бэстибээлэ тэриллэр буолла

РФ Култуураҕа миниистирэ Ольга Любимова, СӨ Култуураҕа миниистирэ Афанасий Ноевы кытта көрсүһүүгэ, Дьокуускайга киинэ бэстибээлин тэрийэри өйөөтө диэн Өрөспүүбүлүкэ баһылыгын уонна бырабыыталыстыбатын пресс-сулууспата иһитиннэрдэ.
Киин куоракка киинэ бэстибээлэ тэриллэр буолла
Ааптар: Киин Куорат
Бөлөххө киир

Ольга Любимова бэлиэтээбитинэн, режиссердарга, үлэлэрин көрдөрөргө, алтыһарга сөптөөх балаһаакка тэриллиэн наада.  

Итини таһынан, биэдэмистибэ баһылыктара Саха сиригэр киинэ оҥоһуутун дьүүллэстилэр, Афанасий Ноев киэҥ далааһыннаах бырайыак – Эпос уонна искусство Арктическай киинин тэрийии туһунан кэпсээтэ.  

Көрсүһүүгэ, итини сэргэ, дойду бэрэсидьиэнэ Владимир Путин 2019 сыллаахха көҕүлээбит «Култуура» национальнай бырайыагын олоххо киллэрии тула барда. Федеральнай былаас өйөбүлүнэн өрөспүүбүлүкэҕэ култуура тэрилтэлэрин тутуута, өрөмүөнэ, саҥа тэрилинэн хааччыллыыта ыытыллар. Саха сирин кэлэктииптэрэ  «Улахан гастроллар» уонна «Биһиги – Арассыыйа» бырагыраамаларга көхтөөхтүк кытталлар. Ол курдук, быйыл 17 төгүлүн дойду араас куораттарыгар уонна 3 төгүл саҥа регионнарга кэнсиэртээтилэр.

Кэнники биэс сыл иһигэр Саха сиригэр, национальнай бырайыак чэрчитинэн, 45 култуура эбийиэгэ үлэҕэ киирдэ, 139 кулууп материальнай-техническэй баазата тупсарылынна, 19 култуура тэрилтэтигэр хапытаалынай өрөмүөн ыытылынна, 14 модельнай библиотека оҥоһулунна, 18 оҕо искусствотын оскуолата үнүстүрүмүөнүнэн хааччылынна, 5 автокулууп ылылынна.

Манна даҕатан эттэххэ, Саха сирэ, Арассыыйа үрдүнэн киинэ оҥоһуутугар инники кэккэҕэ,  Москва уонна Санкт-Петербург кэнниттэн сылдьар.

 

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!