14.04.2022 | 16:00

Киин куоракка хамаанданан-штабынан үөрэтии ыытыллар

Киин куоракка хамаанданан-штабынан үөрэтии ыытыллар
Ааптар: Киин Куорат
Бөлөххө киир

Куорат уокуруга муус уустар 12-14 күннэригэр ыытыллар сааскы халаан уутун уонна айылҕа баһаардарын кытта сибээстээх Бүтүн Арассыыйатааҕы хамаанданан-штабынан үөрэтиигэ кыттар. Бу туһунан Олохтоох дьаһалта пресс-сулууспата иһитиннэрдэ.
Муус устар 13 күнүгэр үөрэх чэрчитинэн СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников салалтатынан ыксаллаах быһыыны-майгыны туоратар уонна баһаартан сэрэхтээх буолууну хааччыйар хамыыһыйа мунньаҕа буолла. Мунньахха хамыыһыйа чилиэннэрин дакылааттара истилиннэ.  
Мунньах түмүгүнэн регионнааҕы харда, хамсааһын таһымын туруорар быһаарыы ылылынна, ону сэргэ ыксаллаах быһыыны-майгыны сэрэтэр тэрээһиннэргэ туһуламмыт сүрүн соруктар туруорулуннулар. 
Бүтүн Арассыыйатааҕы сааскы халаан уутун уонна айылҕа баһаардарыгар бэлэмниир сыаллаах хамаанданан-штабынан үөрэх тиһиктээхтик саас аайы ыытыллар. 
«Үөрэх итэҕэстэри-быһаҕастары булан туоратарга, наадалаах түгэннэри дьүүллэһэргэ уонна сөптөөх түмүктэри оҥорорго көмөлөһөр. Итинник быһыы-майгы буолаары гыннаҕына үөрэх туһалыырыгар эрэллээхпин», – диэтэ куорат баһылыга Евгений Григорьев.
ЫБММ Кылаабынай управлениетыгар иһитиннэрбиттэринэн, Бүтүн Арассыыйатааҕы хамаанданан-штабынан үөрэтии бырагыраамата 3 түһүмэххэ үллэһиллибит. Бастакы күн ыксаллаах быһыыны-майгыны сэрэтэр уонна туоратар Биир кэлим судаарыстыбаннай систиэмэ бары күүстэрэ уонна сириэстибэлэрэ муҥутуур бэлэм турукка киирбиттэр. Билиҥҥи туругунан регион территориятыгар 12 тыһыынча кэриҥэ киһи уонна 3,5 тыһыынча тиэхиньикэ бэлэм туруктаахтар.
Иккис түһүмэххэ, үөрэх усулуобуйатынан, ыксаллаах быһыы-майгы зонатыгар олорор гражданнар бөлөхтөрө «Федеральный реестр государственные и муниципальных услуг (функций)» судаарыстыбаннай информационнай систиэмэни тиэстээтилэр. 
Хамаанданан-штабынан үөрэх тиһэх түһүмэҕэ Үс-Хатыҥҥа ыытыллар. Онно салайыы пууна уонна палааткалардаах лааҕыр баар буолуохтара. Үөрэх практическай чааһыгар араас министиэристибэлэр уонна биэдэмистибэлэр аэромобильнай бөлөхтөрө, Арассыыйа ЫБММ  авиацията, пилота суох көтөр аппарааттар уонна айылҕа баһаарыттан нэһилиэнньэлээх пууннары харыстыыр тиэхиньикэ кытталлар.

Сонуннар

Ордук ааҕаллар

Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...
Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...