23.06.2021 | 10:00

Киин куоракка баһаартан сэрэхтээх буолуу ураты эрэсиимэ киирдэ

Киин куоракка баһаартан сэрэхтээх буолуу ураты эрэсиимэ киирдэ
Ааптар: Киин Куорат

«Дьокуускай куорат» куораттааҕы уокуругар биир ыйдаах, ол эбэтэр бэс ыйын 18 күнүттэн от ыйын 18 күнүгэр диэри баһаартан сэрэхтээх буолуу ураты эрэсиимэ киирдэ. 
Билиҥҥи туругунан, куорат территориятыгар IV-с үрдүк кылаастаах баһаар куттала суоһуур. Итинэн сибээстээн баһылык нэһилиэнньэҕэ туһаайан эттэ: «Бу күннэргэ куоракка халлаан итиитэ + 35 кыраадыска тиийэр. Ол иһин куорат олохтоохторун көрдөһүөм этэ, баһаартан сэрэхтээх буолар миэрэлэри тутуһуҥ, кутаа уоттары уматымаҥ, мээнэ ойуурга барымаҥ диэн». Баһылык бэс ыйын 21 күнүн киэһэтигэр Маҕан бөһүөлэгиттэн 8 км сиргэ 1 гектар кэриҥэ учаастак умайан  испитэ биллибитин эттэ. Ону умулларыынан «Якутлесресурс» СӨ ГАТ дьарыктаммыт. 
Баһаартан сэрэхтээх буолуу ураты эрэсиимэ ойуурга баһаартан сэрэхтээх буолуу Быраабылатыгар сөп түбэһиннэрэн, ити хайысханан сэрэтэр үлэни күүһүрдэр сыаллаах киллэриллибит.
Баһаартан сэрэхтээх буолуу ураты эрэсиимин кэмигэр ойуурга тырааныспар киирэрэ бобуллар (ойуур хаһаайыстыбатын чэрчитинэн үлэлиир, ону тэҥэ ойуур баһаарын сэрэтэргэ эбэтэр умуруорарга үлэлиир тиэхиньикэттэн ураты). Ойуурга мээнэ сылдьыыга (ойуур үлэһиттэриттэн ураты) хааччахтааһын киирдэ. 
Бөҕү, хаппыт оту куорат территориятыгар уматар бобуллар. 
Дьон сылдьар уопсай территорияларыгар баһаары умуруорар тэриллэр саппаастара баар буолуохтара, территория таһыгар бөх хомуйааһын үлэтэ күүһүрдүллүө. 
Гражданскай оборуонаҕа, ыксаллаах быһыыга-майгыга нэһилиэнньэни көмүскүүр управление уонна СӨ ЫБМ Кылаабынай управлениета ойуурга рейдэлэри тэрийиэхтэрэ, ону тэҥэ сокуоннайа суох тутуллубут гараажтары, контейнердары, тэпилииссэлэри, баһаарынай тиэхиньикэ ааһарыгар мэһэйдиир олбуордары бэрэбиэркэлиэхтэрэ.  Былааны таһынан бэрэбиэркэҕэ улахан болҕомто мас дьиэлэргэ ууруллуо.

Сонуннар

Ордук ааҕаллар

Саха АССР 100 сылыгар – 100 оптуобус
Сонуннар | 11.10.2021 | 16:30
Саха АССР 100 сылыгар – 100 оптуобус
Саха АССР төрүттэммитэ 100 сылын көрсө өрөспүүбүлүкэ Дьокуускай куоракка уонна  оройуоннарга уопсастыбаннай тырааныспары саҥардара былааннанар. Бырайыак оробуочай аата – «Саха АССР 100 сылын көрсө 100 оптуобус».  «Кэлэр нэдиэлэҕэ тырааныспар Министиэристибэтин уонна Дьокуускай куорат Уокуруктааҕы дьаһалтатын бииргэ үлэлээһиннэрин түмүгэ тахсан, өрөспүүбүлүкэ газомоторнай оттукка сылдьар оптуобустары аҕалар туһунан сөбүлэҥҥэ илии баттыаҕа», –...
Соһуччу булт
Сынньалаңңа | 11.10.2021 | 16:00
Соһуччу булт
Оҕо сылдьан сарсыарда уһуктаат, таһырдьа ойон тахсар дьикти идэлээх этим. Хайдах халлаан буолбутун билэ охсоору дуу, күнү көрө охсоору дуу буолуо, арааһа. Оннук биир күннээх сайыҥҥы сарсыарда эрдэ туран сыһыыга киирэн, күрүө үрдүгэр хатаастан, куолубунан сыһыы уҥуорун, халлааҥҥа дьирибинии турар күөрэгэйи, сыһыыга мэччийэр ынахтары-сылгылары көрө-истэ олордум. Арай ынахтар ортолоругар дьиибэ...
Саха сиригэр Бүтүн Арассыыйатааҕы нэһилиэнньэ биэрэпиһин контролердарын үөрэтэллэр
Сонуннар | 13.10.2021 | 10:00
Саха сиригэр Бүтүн Арассыыйатааҕы нэһилиэнньэ биэрэпиһин контролердарын үөрэтэллэр
Алтынньы 4 күнүттэн Саха сирин территориятыгар Бүтүн Арассыыйатааҕы нэһилиэнньэ биэрэпиһин контролердарын үөрэтии ыытыллар. Муниципальнай оройуоннар контролердарыгар үөрэтии онлайн эрэсииминэн, «Дьокуускай куорат» уонна «Жатай» куораттааҕы уокуруктарыгар – очнай көрүҥүнэн диэн иһитиннэрэр СӨ Федеральнай судаарыстыбаннай статистика сулууспатын Территориальнай уоргана.  Нэдиэлэ саҥатыттан контролердар Дьокуускай куорат таһынааҕы нэһилиэнньэлээх пууннарга, куорат уокуруктарыгар уонна  «Жатай» куораттааҕы...
Хаппыыстаны араастаан астыахха
Тускар туһан | 11.10.2021 | 13:00
Хаппыыстаны араастаан астыахха
Беконнаах хаппыыста Састааба: 1 орто хаппыыста; 3 ост. нь. мас арыыта (эбэтэр оливковай арыы); туус; хара биэрэс; бекон. Хаппыыста тас сэбирдэхтэрин ылабыт, сууйабыт. Түөрт аҥыы хайытан бысталыыбыт. Кытаанах төрдүн быһан ылан быраҕабыт. Хас биирдии чааһын аҥаардыыбыт уонна духуопка илииһигэр сааһылаан уурабыт. Үрдүгэр арыыны таммалатабыт, туустуубут-тумалыыбыт. Бекон ломтиктарын аҥаардыыбыт уонна хаппыыстабыт...