Киин куоракка ардах уутун хачайдыыр үлэ күүскэ ыытылынна

Өрөбүл күннэргэ ардах уутун хачайдыырга «Якутдорстрой» АУо уонна «Жилкомсервис» МУТ үлэһиттэрэ уонна тиэхиньикэлэрэ күүскэ үлэлээтилэр. 
«Якутдорстрой» АУо информациятынан, Богдан Чижик, Кальвица, Дзержинскэй, Ойуунускай, Октябрьскай, Тимирязев, Якутскай, Каландрашвили, Байкалов, Лонгинов уулуссаларыгар ардах уутун хачайдааһыҥҥа 6 тиэхиньикэ үлэлээтэ. Орджоникидзе уонна Лермонтов уулуссаларыгар турбалары сууйдулар.
«Жилкомсервис» МУТ иһитиннэрбитинэн, от ыйын 24 күнүгэр Ленин проспегар (Октябрьскай уул. быһа охсуһуутуттан Суорун Омоллоон уул. быһа охсуһуутугар диэри, Дежнев уул. быһа охсуһуутуттан Ленин проспегар диэри), Чиряев уул. (Хабаров уул. быһа охсуһуутуттан Оржоникидзе уул. быһа охсуһуутугар диэри), Дзержинскэй уул. («Белые ночи» ресторантан Кальвица уул. быһа охсуһуутугар диэри, Кальвица быһа охсуһуутуттан Столичнай рынокка диэри), Кулаковскай уул., Автодорожнай уул. – Прометей мкр., Губин уул., Орджоникидзе уул. (Петр Алексеев уул. ГАВС-ска диэри), Лермонтова уул. («Крестьянскай» рыноктан Петровскай уул. быһа охсуһуутугар диэри, Октябрьскай уул. Короленко уул. быһа охсуһуутугар диэри), Горькай уул. (Горькай уул., 100 №-тэн Киров уул. диэри), Ойуунускай уул. (Октябрскай уул. быһа охсуһуутуттан Каландаришвили уул. быһа охсуһуутугар диэри), Кальвица уул. (Богдан Чижик уул. быһа охсуһуутуттан Дзержинскэй уул. быһа охсуһуутугар диэри), Советскай Армия 50 сыла уул. (Полина Осипенко уул. быһа охсуһуутуттан Богдан Чижик уул. диэри), Каландаришвили уул. (Чайковскай уул., Винокуров уул., Маяковскай уул., Чехов уул., Сафронов уул. быһа охсуһууларыгар) ууну хачайдыыр носуостар холбоммуттар. Ардах уутун хачайдыыр үлэҕэ 11 АСМ массыыналара тахсыбыттар.