Киин куоракка 1000-тан тахса «өйдөөх» камера туруоруллуоҕа

Үлэ номнуо саҕаламмытын туһунан СӨ Инновацияҕа, цифровой сайдыыга уонна инфокоммуникационнай технологияларга миниистирэ Анатолий Семенов отчуотугар кэпсээтэ.

Бу камералар буруйу оҥорооччулары тутарга, уоруллубут массыыналары көрдүүргэ, ону таһынан сүппүт дьону буларга күүс-көмө буолуохтара диэн бэлиэтээтэ.

«Сороҕор аҕам саастаах дьон, холобур, инсультаан баран мунар түгэннэрэ баар. «Өйдөөх» систиэмэ барытын кэтии туруоҕа. Дьокуускайга быһыы-майгы курдары көстөр уонна куоракка куттал суох буолуоҕа», — диэтэ инновация миниистирэ.