"Карина" киинэҕэ кастинг биллэриллэр

2014 сыл сайыныгар ойуурга мунан баран, Найда диэн ытын кытта 12 күн устата тайҕаҕа сылдьыбыт, араас күчүмэҕэйдэри ааһан тыыннаах хаалбыт Карина Чикитова түбэспит түбэлэтэтигэр олоҕуран, «Карина» диэн киинэ уһуллуоҕа.

Киинэҕэ сүрүн оруолга сүүмэрдээһин ыытылларын туһунан «Арт Дойду» киинэ хампаанньа биллэрдэ.

Киинэҕэ уһулларга 3-4 саастаах саха кыыһын, маны таһынан игирэ кыргыттары талыахтара.

Ирдэбиллэрэ: оҕо саха тылын билэр, артыыстыыр уонна фотогеничнай буолуохтаах. Маны тэҥэ, киинэ сүрүн геройа хатыҥыр көрүҥнээх буолара уонна ыттан куттаммата ирдэнэр.

Сүүмэрдээһиҥҥэ кыттарга кулун тутар 1 күнүгэр диэри artdoydu.ltd@mail.com электроннай почтаҕа оҕо толору аатын, сибээстэһэр нүөмэри, видео-билиһиннэриини уонна хаартыскалары (портрет уонна толору көстөрүн) ыытыллар.