10.09.2021 | 14:46

Кардиологическай диспансер кэлэр сыл саҥата үлэтин саҕалыыр

Кардиологическай диспансер кэлэр сыл саҥата үлэтин саҕалыыр
Ааптар: Киин Куорат

Дьокуускайга Өрөспүүбүлүкэтээҕи кардиологическай диспансер тутуутун бүтэһик түһүмэҕэ саҕаламмыт. Сыл бүтэһигэр эбийиэк үлэҕэ киирдэҕинэ, кэлэр сыл саҥатыттан бастакы ыарыһахтары көрөн барыаҕа. Кардиологическай диспансер доруобуйа Сылыгар өрөспүүбүлүкэ олохтоохторугар дьоһун  бэлэҕинэн буолуоҕа. 
Кардиологическай киини тутар боппуруоһу 2018 сыллаахха Ил Дархан Айсен Николаев көтөхпүт. Ити сылтан саҕалаан федеральнай өйөбүлүнэн эбийиэк тутуута саҕаламмыт. 
Билиҥҥи туругунан, эбийиэк тутуутун 76%-на бэлэм. Кардиокиин Өрөспүүбүлүкэтээҕи 1 №-дээх балыыһа – медицина Национальнай киинин структурнай салаата буолар. 
Медицинскэй киин генеральнай дириэктэрэ Станислав Жирков иһитиннэрбитинэн, кардиологическай диспансерга кардиология, нейрососудистай салаа, неврология уонна сүрэх хроническай ыарыыларын салаалара баар буолуохтара. Эбийиэккэ 150 уопсай куойкалаах уонна 25 реанимационнай палаталар киириэхтэрэ. 
«Эбийиэк үлэҕэ киирдэҕинэ нэһилиэнньэ хаачыстыбалаах медицинскэй көмөнү, үрдүк технологиялаах эмтэниини ылыаҕа. Манна инфарктаабыт, итини сэргэ нейрососудистай ыарыылаахтар – инсультаабыттар уонна мэйиилэригэр хааннарын эргиирэ кэһиллибит дьон киириэхтэрэ», – диэтэ  Жирков.
Кини бу сыл бүтэһигэр санитарнай-эпидемиологическай түмүгү уонна лицензияны ылалларын туһунан эбэн эттэ. Оччоҕо 2022 бастакы кыбаарталыгар ыарыһахтары көрөн, эмтээн бараллар. 
Медицинскэй специалистар А. Н. Бакулев аатынан үрдүкү квалификациялаах каадырдары  бэлэмниир уонна Е.Н. Мешалкин аатынан хаан эргиирэ кэһиллэрин үөрэтэр институттарга үөрэҕи ааспыттар. 
«Билигин эбийиэк ис бараанын тупсаран оҥорууга, инженернэй ситимнэри холбооһуҥҥа, вентиляция тэрилин таҥыыга уонна тиэргэн территориятын тупсаран тутууга 180-ча киһи үлэлиир. Саҥа медицинскэй тэрил – МРТ, КТ, ангиографтар таҥыллан эрэллэр», – диэн кэпсиир өрөспүүбүлүкэ судаарыстыбаннай сакаасчыгын Сулууспатын генеральнай дириэктэрин солбуйааччы Дмитрий Иванов.
Аҕыс этээстээх Кардиологическай диспансер уопсай иэнэ 15 тыһ. кв. м. кэриҥэ.

Сонуннар

Ордук ааҕаллар

Валентина Колодезникова-Айыына:  Киһи баҕарыах эрэ тустаах
Дьон | 04.08.2022 | 10:00
Валентина Колодезникова-Айыына: Киһи баҕарыах эрэ тустаах
Бүгүҥҥү нүөмэрбитигэр мас ууһа Валентина Колодезникова--Айыынаны кытта кэпсэтэбит. Валентина-Айыына уустар түөлбэлээн үөскээбит Баайаҕа нэһилиэгиттэн төрүттээх. Тутуу биригээдэтин салайааччыта. Дьоҕурун сөпкө туһаммыт уонна киэҥ эйгэҕэ таһаарбыт уус.
Үөрүүлээх түгэни - дьоһун көстүүлээх
Сонуннар | 05.08.2022 | 10:51
Үөрүүлээх түгэни - дьоһун көстүүлээх
Үөрэх дьыла чугаһаабытынан, бэйэбит үөрүүбүтүн үллэстэргэ сананныбыт. Ол курдук, быйыл Кэбээйи улууһун Мукучу нэһилиэгэр улахан оскуола дьиэтэ тутуллубута 90 сылын кэлэктиип туох эрэ ураты көстүүлээх көрсүөхтээх диэн быһаарыы ылынан, саҥа сахалыы истииллээх таҥас сакаастаан тиктэрбиппит. 
Минньигэстик аһааҥ
Тускар туһан | 05.08.2022 | 10:00
Минньигэстик аһааҥ
Сибиэһэй оҕуруот аһа дэлэгэй эрдэҕинэ, боростуой, минньигэс уонна битэмииннээх салааттарда астанан хаалыаҕыҥ.
НВК Саха бырагыраамата атырдьах ыйын 8-14 күнэ
Сонуннар | 03.08.2022 | 16:50
НВК Саха бырагыраамата атырдьах ыйын 8-14 күнэ
Понедельник, 8 августа 6:00 Сана кун 6+ 8:00 Утро Якутии 6+ 9:00 Сана кун 6+ 10:00 Утро Якутии 6+ 11:00 Тиэргэн 6+ 11:30 ПроАвто 12+ 12:00 "Якутия" информационная программа 12+ 12:15 Асчыттар 6+ 13:00 Дойдум дьоно 12+ 13:15 Актуальное интервью 12+ 13:30 "Саха сирэ" информационнай биэрии  12+ 13:45 "Якутия" информационная...