Кангалаас «бөһүөлэк» статуһун ылыан сөп

Дьокуускай куорат таһынааҕы Кангалаас дьоҕус оройуонун олохтоохторо «бөһүөлэк» диэн статуһу туруорсаллар. Бу туһунан быйыл олохтоох мессенджердэргэ киэҥник дьүүллэспиттэр.
Элбэх кэпсэтии түмүгүнэн бүгүҥҥү күҥҥэ статуһу уларытыы төһө сөптөөҕүн быһаарар нуорма-быраап докумуоннарын чинчийии ыытыллар.
Чугастааҕы кэмҥэ СӨ Ил Дарханын уонна Бырабыыталыстыбатын дьаһалтатын Олохтоох бэйэни салайыныы боппуруостарыгар департаменын, Дьокуускай куорат Олохтоох дьаһалтатын кытта көрсүһүү былааннанар.
Санатар буоллахха, Кангалааска «дьоҕус оройуон» оннугар «бөһүөлэк» диэн статуһу иҥэрэр туһунан боппуруос СӨ бырабыыталыстыбатын 2023 сыл түмүгүнэн отчуотун кэмигэр көтөҕүллүбүтэ, диэн иһитиннэрэр Олохтоох дьаһалта пресс-сулууспата.

Хаартыска: Олохтоох дьаһалта саайтыттан