Каландаришвили уулуссатыгар массыына сырыытыгар хааччахтааһын киирдэ

Намыһах баттааһыннаах гаас ситимигэр былааннаммыт өрөмүөн үлэтин ыытарга, суолга куттал суох буолуутун хааччыйар сыаллаах Каландаришвили уулуссатыгар массыына сырыытыгар хааччахтааһын киирдэ. 
Ол курдук, Каландаришвили уулуссатыгар массыына сырыытыгар хааччахтааһын: 
Белинскэй уулуссатын кытта быһа охсуһууга бэс ыйын 3 күнүттэн (сарсыарда 09:00 чаастан) бэс ыйын 4 күнүгэр киэһэ 22:00 диэри;
Ойуунускай уулуссатын кытта быһа охсуһууга бэс ыйын 7 күнүттэн (сарсыарда 09:00 чаастан) бэс ыйын 8 күнүгэр киэһэ 22:00 диэри. 

Өрөмүөн үлэтин ыытар «Сахатранснефтегаз» АУо сэрэтэр суол бэлиэлэрин, хааччахтыыр мэһэйдэри туруоран уонна хараҥа кэмҥэ эбии сырдатыыны холбоон сатыы дьон сылдьарыгар куттал суох буолуутун хааччыйар. Итини сэргэ бэс ыйын 8 күнүгэр диэри айан суолун чөлүгэр түһэриэхтээх. 
Өрөмүөн үлэтин кэмигэр оптуобус сырыытыгар кэккэ уларыйыылар киирэллэр.