Кадеттарга – саҥа оскуола

Саҥа үс этээстээх, 6 тыһ. кв. м. тахса иэннээх оскуола саҥа дьиэтэ икки блоктаах буолар.

Үөрэнэр блокка кэбиниэттэр, лабораториялар, лингафоннай кылаастар, ааҕар саалалаах библиотека, 120 миэстэлээх актовай саала, спордунан дьарыктанар, эбиэттиир саалалар, холл, учительскай, маһынан уонна тимиринэн уһанар мастарыскыайдар, автодело, итиэннэ профильнай бэлэмнэнии кылаастара уо.д.а. былааннаналлар.

Иккис блокка туспа киирэр ааннаах интэринээт буолар, манна 4-5 миэстэлээх утуйар хостор, медкэбиниэттэр, куруһуок, сынньалаҥ хосторо, душевой, прачечнай уо.д.а. баар буолуохтара.

«Үөрэҕирии» национальнай бырайыак «Аныгы оскуола» федеральнай бырайыагын чэрчитинэн 200 миэстэлээх саҥа үөрэнэр куорпус уонна 125 миэстэлээх интэринээт тутуллуохтара. Ити олох аныгылыы үөрэх дьиэтэ буолуоҕа, манна оскуола предметтэрин сэргэ байыаннай дьыала төрүтүн үөрэтиэхтэрэ», - диэн бэлиэтээтэ СӨ Госстройжилнадзор управлениетын салайааччыта Павел Аргунов.

Тутуу бэдэрээтчитэ – «ТСК+» ХЭТ. Билиҥҥи кэмҥэ территорияны тутууга бэлэмнииллэр.