17.01.2024 | 19:02

Күрэхтэргэ кыттыахха!

Ф.И. Авдеева аатынан Оҕо айымньытын дыбарыаһа кырачааннарга, оскуола үөрэнээччилэригэр араас хабааннаах тэрээһиннэри, күрэхтэри тиһигин быспакка ыытар. Бу күннэргэ буола турар чаҕылхай күрэхтэри сырдатабыт, кырачаан ааҕааччыларбытын кыттарга сүбэлиибит.
Күрэхтэргэ кыттыахха!
Ааптар: Айталина Софронова
Бөлөххө киир

«Этномода-2024» эдэр модельердар куонкурустара

Куонкурус талааннаах, айымньылаах оҕолору түмэр, кырачаан модельердары уус-уран уонна эстетическэй эйгэҕэ сыһыарар уонна үөрэтэр сыалтан ыытыллар. Күрэх 2024 сыл тохсунньу 26 күнүгэр кэтэхтэн уонна сирэй көрүҥүнэн тэриллэр. Сайаапкалары aitalina_alekseeva@mail.ru электроннай почтаҕа тохсунньу 10-23 күннэригэр «ЭтноМода-2024» диэн бэлиэлээх күүтэллэр. Түмүк таһаарыы тохсунньу 30 күнүгэр Оҕо айымньытын дьиэтин официальнай саайтыгар тахсар: https://ddt.obr.sakha.gov.ru/.

Сиһилии эбии үөрэхтээһин уһуйааччылара Вероника Афанасьевна Бубякинаттан (89991731239) уонна Евсей Иванович Ивановтан (899917444736) билсиэххэ сөп.

 

«Эдэр айааччы-2024» күрэххэ кыттарга тиэтэйиҥ

Научнай бырайыактаах, сонун идеялаах буоллаххына, «Эдэр айааччы-2024»  күрэххэ кыттарга тиэтэй.

Куонкуруска 1 кылаастан 11-ис кылааска диэри үөрэнэр өрөспүүбүлүкэ хайа баҕарар муннугар олорор оскуола оҕото биирдиилээн эбэтэр бөлөҕүнэн кыттыан сөп. Хас биирдии кыттааччыттан эбэтэр хамаандаттан биир эрэ куонкурустаах үлэ ирдэнэр. Күрэх 2024 сыл тохсунньу 19 күнүттэн олунньу 8 күнүгэр диэри ыытыллыаҕа:

— Сайаапкалары уонна куонкурустаах үлэлэри презентация быһыытынан тохсунньу 19 күнүттэн 31 күнүгэр диэри туталлар;

— Олунньу 1-5 күннэригэр экспертнэй хамыыһыйа киирбит үлэлэри бэрэбиэркэлиир;

— Куонкурус түмүгэ олунньу 8 күнүгэр Оҕо айымньытын дьиэтин официальнай саайтыгар бэчээттэнэр.

Кыттыан баҕалаах оҕолор сайаапкаларын «Яндекс.Форма” электроннай халыыбынан бу аадырыска ыыталлар: https://forms.yandex.ru/cloud/655ee4dc50569028aee21a36/. Күрэх туһунан сиһилии «Кванториум» оҕо технопаркатын педагог-тэрийээччитэ Мария Васильевна Ивановаҕа билсэҕит (89148220715).

«Лесенка к успеху» ырыа күрэҕэ күүтэр

Ф.И. Авдеева 100 сааһын көрсө уонна Саха Өрөспүүбүлүкэтигэр Оҕо саас сылынан, Арассыыйаҕа Дьиэ кэргэн сылынан «Лесенка к успеху» вокальнай-хоровой күрэх биллэрилиннэ.

Куонкуруска Дьокуускай куорат уонна өрөспүүбүлүүкэ үөрэҕин тэрилтэлэрин иитиллээччилэрэ: оҕо уһуйааннара, оскуолалар, эбии үөрэхтээһин кииннэрэ, оҕо дьиэлэрэ, искусство оскуолаларын уо.д.а. тэрилтэлэр кытталлар. Бу куонкурус олунньу 9 күнүгэр ыытыллар. Кыттыан баҕалаахтар сайаапкалары тохсунньу 15 күнүттэн олунньу 6 күнүгэр диэри 89618693816, 89681514720 нүөмэрдэргэ бассаап нөҥүө ыытаҕыт. Усунуос: хор кэлэктииптэригэр биир кыттааччыттан 200 солк., кыра ансаамбылларга биир кыттааччыттан 250 солк. «Лесенка к успеху» ырыа күрэҕэ Дьокуускай куорат Киров уулуссатын, 20 дьиэтигэр ыытыллыаҕа.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....