21.08.2020 | 12:08

Көрбүтэ, атын «баҕайы» турар эбит

Көрбүтэ, атын «баҕайы» турар эбит
Ааптар: Киин Куорат
Бөлөххө киир

Кирилл Ноговицын:

- Таайым Силипиэн аҕата өлбүтүн кэннэ ийэтин аахха хотон көрөргө көмөлөһө сылдьыбыт. Сарсыарда аайы үлэтигэр баран иһэн ынахтары аһатан, саахтарын күрдьэн, таһырдьа таһааран балбаахтаан ааһар эбит. Биир оннук сарсыарда үлэтигэр хойутаан хаалан, дьонун дьиэтигэр таарыйбакка, быһа хотоҥҥо ааспыт. Хотон ис үлэтин эбиэккэ кэлэн толорор инибин диэн, бэҕэһээ бэлэмнээбит отун угаары хотонун түннүгүн аспыт. Ыксаабыта бэрдиттэн хотонун уотун да холбуурун умнубут. Инньэ гынан хабыс-хараҥаҕа харбыалаһан, отун күкүргэ симэ үөрүйэҕинэн толору симпит. Түннүк иннигэр турар адаар муостаах кырдьаҕас ынах от киллэрэргэ былдьаһан мэһэйдиир бэйэтэ, бу сырыыга хамсаабакка турарын муодаргыы санаабыт. Түннүгүн сабаары, саба түспүт хаары ыраастыы турдаҕына, эмискэ хотон иһигэр туох эрэ лүҥкүр гына сууллар тыаһа иһиллибит. Силипиэн, ону соччо баардыылаабакка, түннүгүн саба ууран кэбиспит. Ол кэннэ олуур маһын уураары чыраахтаһан эрдэҕинэ, иһирдьэттэн ким эрэ түннүгүн төттөрү тэбэн саайбыт. «Хайа, бу туох үлүгэрэй, ынаҕым хайдах буолар баҕайытай. Дьоҕойон утаппыт дуу?», – диэн Силипиэн ыраах эһиллибит түннүгүн ылан, ынаҕын мөҕө-мөҕө  бүөлүү ууран истэҕинэ, ынах кэнниттэн атын күтүр бу ырбайан көстүбүт. Борук-сорукка таайтаран көрдөҕүнэ, ол баҕайы ынахтан лаппа кырата эбитэ үһү. Киһи диэҕи атыҥҥа дылы эбит. 

    Силипиэн, соһуччута бэрдиттэн түннүгүн олуйа охсоот, тугу-тугу көрдүм диэн, балайда өйүн-төйүн булуна турбут. Онтон үлэтигэр хойутаан эрэрин таһы-быһа умнан, дьиэҕэ киирэн уотун холбоон, хотону киирэн сирийэн көрбүт да, сүөһүттэн атыны тугу да булан ылбатах. Ол көрбүт харамайын туһунан кэлин ийэтигэр кэпсээбит этэ. Бу ыаллар уруккуттан да сүөһү тута сатыыллар эбит да, онтулара өнүйэн биэрбэккэ, икки ыанартан ордубаттара үһү. Торбос сүтүгэ суох биир сылы туораабыттарын өйдөөбөппүн, сүөһү турбат ыалабыт диэн эмээхсин муҥатыйарын өйдүүбүн. Эһиилигэр дьон сүбэтинэн хотоннорун көһөрөн туттубуттара. Киирэр аанын илин диэки уларыппыттара. Хас да сүөһүнү ыалга атастаһыкка биэрбиттэрэ.  Ол кэннэ, сураҕа, сүөһүлэрэ өлөллөрө-сүтэллэрэ аҕыйаабыт үһү. Силипиэн көрбүт харамайа, арааһа, тарбыйах абааһыта буолуо диэн сылыктыыллар этэ.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.