09.07.2020 | 10:13

Көрүүтэ-истиитэ суох кыыллар дьылҕалара быһаарылынна

Көрүүтэ-истиитэ суох кыыллар дьылҕалара быһаарылынна
Ааптар: Киин Куорат

Дьокуускайдааҕы көрүүтэ-истиитэ суох кыыллары тутар пуун “Фонд помощи животным” тэрилтэҕэ туттарылынна. Ол туһунан куорат дьаһалтатыгар ыйаах таҕыста.

“Билигин эбийиэги туттарыы буола турар, докумуоннар оҥоһуллаллар. Пуонда итэҕэстэри-быһаҕастары испииһэктиир, бүддьүөттэн пууҥҥа наада буолуохтаах оборудованиеҕа харчы көрүллэригэр смета бэлэмниир”, – диэн кэпсээтэ Олох-дьаһах хаһаайыстыбатын уонна энергетика департаменын начальнига Дина Николаева.

“Саҥа федеральнай сокуонунан куоракка кыыллары көрөр-истэр приют хайаан да баар буолуохтаах. Оннукпут суох буолан,  быстах кэмҥэ тутар пууну үлэлэтиэхпит. Көрүүтэ-истиитэ суох кыыллары тутар, харайар буолуохпут. Отчуоттуурга, кыыллар хаартыскаларын таһаарарга анал сайтаныахпыт”, – диэн пуонда инники былаанын Леонид Слепцов билиһиннэрдэ.

Уопсастыбаннай пуонда кыыллары көмүскүүр тэрилтэлэри, волонтердары бииргэ үлэлэһэргэ ыҥыраллар. “Биир сүрүн сорукпут –  нэһилиэнньэни кытта үлэ. Дьон-сэргэ дьиэ кыылларыгар эппиэтинэстээхтик сыһыаннаһалларын ситиһиэхтээхпит, оҕолорго аһыныгас буолууну иҥэриэхтээхпит”, – дииллэр үлэни көҕүлээччилэр.   

“Бэйдиэ сылдьар кыыллары тутар кыһалҕаны быһаарыа суоҕа. Баҕар, тыһыынчанан ыты, куосканы тутуохпут. Ол эрээри бу боппуруос дьонтон тутулуктааҕын куорат олохтоохторо өйдүөхтээхтэр”, – дииллэр пуонда актыбыыстара.

Санатар буоллахха, быйыл кулун тутарга Сардаана Авксентьева Дьокуускай куораттааҕы кыылларга көмөлөһөр пуонданы кытта көрсүбүтэ. Онно тэрилтэ үлэлиир баҕатын биллэрбитэ.  

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.