19.03.2022 | 12:00

Күннээҕи тотоойу аһылык

Күннээҕи тотоойу аһылык
Ааптар: Киин Куорат
Бөлөххө киир

Плов сииргитин сөбүлүүгүт дуо? Дьиэ кэргэн эбиэтигэр эбэтэр киэһээҥҥи аһылыгар олус минньигэс эттээх, минньигэс амтаннаах плову оҥорорго холонуҥ.
Эһиэхэ мультиваркалаах буоллаххытына, дьоллоох хаһаайка эбиккит.

Биһиэхэ наада:

500 г куурусса этэ;

200 г луук;

200 г  моркуоп;

3 өлүүскэ чеснок;

2 ыстакаан рис;

4 ыстакаан уу;

Туус, тума;

Мас арыыта.

 

Астааһына:

Кууруссаҕытын орто кээмэйдээх гына кырбастааҥ. Луугу кубиктыы кырбастааҥ, моркуобу бөдөҥ харахтаах түөркэнэн аалыҥ. Мультиваркаҕа "Выпечка" эрэсиими талыҥ. Мас арыытын уонна эти ыһаарылыы ууруҥ, куурусса этэ 15-20 мүнүүтэ буһар. Онтон луугу, моркуобу эбиҥ.

Балыктан судургу бөрүөк

Биһиэхэ наада:

1,5 ыстакаан рис;

 2-3 ыстакаан сиидэлэммит бурдук;

Биир хаа аҥаара маргарин;

1 ыстакаан кефир эбэтэр сэппэрээтэр убаҕас сүөгэйэ;

1 ч. нь туус.

Астааһына:

Сиидэлэммит бурдукка биир хаа аҥаара маргарины быһаҕынан бытархай гына кырбастыыбыт уонна кефиры (эбэтэр сүөгэйи), тууһу эбэн, тиэстэбитин илиигэ сыстыбат буолуор диэри күүскэ мэһийэбит уонна холодильникка уурабыт. Сойор кэмигэр балыкпытын ыраастыыбыт, куһаҕанын быраҕабыт, төбөтүн быһабыт. Тиэстэбитин икки тэҥ өлүүгэ арааран, халыҥ гына тэнитэбит. Биирин лиискэ тэлгэтэбит. Буспут рис улахан аҥаарын, 1 обургу луугу төгүрүк гына быһан уурабыт. Онтон балыкпытын икки өттүттэн тууһаан уурабыт уонна ордубут риспитин үрдүгэр кутабыт. Тиэстэбит аҥаарын саба ууран баран, кытыытын хам тутан холбуубут. Духуопкаҕа биир чаас кэриҥэ буһарабыт.

 

Дыраһааҥкатыҥы креветка

Биһиэхэ наада:

300 г креветка;

500 г миин (эт миинэ – 200 г, балык миинэ – 300 г);

 Лимон аҥаара;

 1 устуука моркуоп;

 Күөх үүнээйи (бэйэ сөбүлүүрүнэн көрөн).

Астааһына: Буспут уонна эрдэттэн ыраастаммыт креветканы бүлүүһэҕэ ууруллар. Үрдүнэн укроп, буспут моркуоп, лимон уурталаан киэргэтиллэр, эт эбэтэр балык желатиннаах миинин кутуллар. Тымныыга таһааран сойутуллар. Желатины сойбут мииҥҥэ кутан, 40 мүнүүтэ туруоруллар, булкуйа туран оргута түһүллэр, желатина сууралыннаҕына, таһаараҕыт уонна сиидэлээн баран сойута уураҕыт. Онтон дьэ креветкаҕа кутаҕыт.

 

Лапсалаах бэлимиэннээх миин

Лапса оҥорорго: 1 сымыыты ыстакаан аҥаара ууга булкуйаҕыт, кичэйэн мэһийэҕит. Тиэстэни тэнитэн баран, рулет курдук эрийэҕит уонна синньигэс гына быһаҕыт. Лапса бэйэ-бэйэтигэр сыстыбатын курдук үөһэ быраҕан араартыыгыт.

Бэлимиэн тиэстэтэ: 2 сымыыты ыстакаан аҥаара ууга булкуйан баран үчүгэйдик мэһийэҕит. Манна кылаабынайа тиэстэҕэ сымыыта элбэх буолуохтаах, оччоҕо эти уктахха алдьаммат, бөҕө буолар.

Бэлимиэн начыына: Сыалаах эти талан мясорубкаҕа эрийэҕит. Эккэ бүөрү уонна чоҕочу сыатын эбэтэр чесногу эбиэххэ сөп. Эриллибит эти илиинэн үлтү мэһийэҕит. Бэлэм начыыны тиэстэҕэ суулаан бэлимиэн оҥороҕут. Маннык мииҥҥэ кутуругу эбиэххэ сөп, кутурук суох буоллаҕына, уҥуохтаах этинэн солбуйуохха син.

 

Черносливтаах салаат

Биһиэхэ наада:

200 г тэллэй;

1 устуука эриэппэ луук;

300-400 г куурусса этэ;

3 сымыыт;   

2 устуука сибиэһэй оҕурсу;

100 г чернослив;

Майонез;

Күөх от.

 

Астааһына: Куурусса этин, сымыыты буһараҕыт. Тэллэйи 10 мүнүүтэ оргутан баран сиидэлиигит. Черносливы итии ууга 10-15 мүнүүтэ туруораҕыт. Онтон уутун сүөкээн куурдаҕыт. Тэллэйи кубиктыы эбэтэр уһун синньигэс гына кырбыыгыт. Мас арыытыгар луугу ыһаарылыыгыт, ол үрдүгэр тэллэйи эбэн, 7-10 мүнүүтэ буһараҕыт. Куурусса этин уһун-синньигэс гына быһаҕыт. 3-5 устуука черносливы киэргэтигэ хааллараҕыт, атыттарын уһун- синньигэс гына кырбыыгыт, сымыыты бөдөҥ харахтаах түөркэҕэ анньаҕыт. Оҕурсуну эмиэ соломолуу быһаҕыт. Аскытын барытын майонеһынан араҥалаан, маннык бэрээдэгинэн уураҕыт: чернослив, лууктаах тэллэй, куурусса этэ, сымыыт, оҕурсу. Салаат үрдүн черносливы чараас гына кырбаан киэргэтэҕит.

 

Фаршируйдаммыт помидор

Биһиэхэ наада:

6-7 помидор;

300 г эриллибит эт;

300 г тэллэй (ханнык баҕарар тэллэй);

Луук;

100 г сыыр;

Мас арыыта;

Туус, биэрэс.

 

Киэргэтэргэ:

Горох;

Күөх от.

 

Астааһына: Луукпутун кыра кээмэйдээх гына кырбыыбыт уонна мас арыытыгар ыhаарылыыбыт, ол үрдүгэр тэллэйбитин, эриллибит эппитин кутабыт, туустуубут. 15-20 мүнүүтэ ыhаарылыы түhэбит. Помидорбутун сууйабыт, үрдүн быhан, иhинээҕи мээккэтин хостуубут, эппитин помидорбут иhигэр кутабыт. Сыырбытын түөркэлиибит уонна помидорбут үрдүгэр таммалатабыт, горохпутунан, күөх оппутунан киэргэтэбит.

 

Хобордооххо хортуоппуйунан оҥоһуллар пицца

Биһиэхэ наада:

3-4 орто хортуоппуй;

2 ост.нь. бурдук;

1 сымыыт;

Туус,биэрэс.

 

Начыыҥҥа: майонез, чеснок, 3 помидор, халбаһы, элбэх сыыр.

 

Астааһына: Майонезпытыгар чесногу ньыһыйан кутабыт. Помидорбутун уонна халбаһыбытын кубик гына быһабыт, сыырбытын түөркэлиибит.

Буспатах хортуоппуйу түөркэлиибит, онно бурдук, сымыыт, туус уонна биэрэс кутан булкуйабыт. Итии мас арыынан сотуллубут хобордооххо тиэстэбитин ууран буһарабыт, уоппутун саамай кыратыгар туруорабыт. Хортуоппуйдаах тиэстэбит саһарыар диэри ыһаарылыыбыт уонна эргитэбит. Эргитэ охсоот, майонеһынан сотобут, помидорбутун, халбаһыбытын уурабыт уонна сыыр кутабыт. Хобордоохпутун хаппахтыыбыт уонна сыыра ууллубутун кэннэ уоппутун араарабыт.

Суораттаах буулка

Биһиэхэ наада:

0,5 л суорат (кефир);

5 ыстакаан бурдук;

1/2 ыстакаан ынах арыыта;

1,5 ост. нь. саахар;

1.5 ч. нь суода;

Туус.

 

Астааһына: Суоракка суоданы, саахары, тууһу, арыыны уонна бурдугу эбэн, сымнаҕас тиэстэ мэһийэбит. Онтон кыра төгүрүктэри оҥоробут (50-55 г) уонна 0,7-1 см халыҥнаах гына тэнитэбит. Тэнийбит тиэстэлэргэ саахары таммалатабыт уонна рулет гына эрийэбит. Рулет үрдүн устатынан кыратык быһаҕынан быһабыт уонна 180 кыраадыска 20-25 мүнүүтэ духуопкаҕа буһарабыт, ынах арыытынан сотобут.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...