Күндү сэрии уонна тыыл бэтэрээннэрэ, куорат олохтоохторо!
Тус бэйэм уонна Дьокуускай куорат Уокуруктааҕы дьаһалтатын аатыттан Иккис аан дойду сэриитэ түмүктэммит Күнүнэн эҕэрдэлиибин!
Бу өйдөбүнньүк күн историческай суолталааҕын бэлиэтиэхпин баҕарабын, ССРС-ка 1945 сыл балаҕан ыйын 3 күнэ судаарыстыбаннай бырааһынньыгынан билиниллибитэ – бу Японияны Кыайыы Күнэ. Ол эрэн, 1947 сыллаахтан үлэ күнүнэн ааҕыллар буолбута уонна бырааһынньык быһыытынан умнуллубута. 2020 сылга диэри Иккис аан дойдутааҕы сэрии балаҕан ыйын 2 күнүгэр түмүктэммит курдук бэлиэтэнэрэ. Дойду Президенэ Владимир Путин биллэрбит өйдөбүнньүк уонна албан аат Сылыгар, история кырдьыгын төннөрөн, балаҕан ыйын 3 күнэ Иккис аан дойду сэриитин түмүктэммит күнүнэн билинилиннэ.
Биһиги кыайыылаах көлүөнэҕэ, дойдубут дьоруойдарыгар уонна патриоттарыгар сүгүрүйэбит уонна муҥура суох махталбытын биллэрэбит.
Уонунан сыллар ааһаллар, көлүөнэлэр солбуйсаллар, ол эрэн улуу кыайыы, национальнай киэн туттуубут, албан аат уонна норуот хорсунун бэлиэтэ буолан дойдубут историятыгар үйэлэргэ суруллан хаалыаҕа. Сылын аайы саамай хаан тохтуулаах, алдьархайдаах сэрии ыараханын санныларыгар сүкпүт дьонунан киэн туттуубут күүһүрэр, дириҥ суолталанар.
Бүгүн, аныгы, түргэнник уларыйар эйгэҕэ олорон, Аҕа дойдубут историятыгар ытыктабылбытын үйэлэргэ иҥэринэн харыстыах тустаахпыт.
Бэтэрээннэрбитигэр чэгиэн өйү-санааны, кытаанах доруобуйаны, этэҥҥэ буолууну, дьолу уонна уһун олоҕу баҕарабын!
Дьокуускай куорат Баһылыга Евгений Григорьев
Сонуннар
Ордук ааҕаллар
