Күндү киһи аймах кэрэ аҥаардара!
![Күндү киһи аймах кэрэ аҥаардара!](https://kiinkuorat.ru/wp-content/uploads/2021/03/59f5aad1-9fdf-4bca-9b32-a00af91faee6.jpg)
Кулун тутар ый сылаас сардаҥатын кытары күүтүүлээх сааскы бырааһынньыкпыт – Аан дойду дьахталларын күнэ тиийэн кэлэр.
Өбүгэлэрбит саҕаттан дьахтар аймах алаһа дьиэни араҥаччылааччынан, айылҕатын аналынан кэрэ, таптал, үтүө, истиҥ санаа иэйиилэрин кэрэһитинэн буолар. Аныгы тэтимнээх олохпутугар кэрэ куо барытын ситиһэр – үөрэҕи баһылыыр, үөрэнэр, таһаарыылаахтык үлэлиир, ону кытта оҕолоругар сөптөөх иитиини биэрэр. Ону сэргэ олох-дьаһах араас салаалырыгар, бэлиитикэҕэ, урбааҥҥа, успуорка, уопсастыбаннай олоххо бэйэтин сатабылын көрдөрүөн сөп.
Ол эрээри, төһө да биһиги аныгы дьахтар күүстээх, сатабыллаах кыаҕын сөҕө көрдөрбүт, кэрэ аҥаар бу күн сиригэр кэлбит анала ийэ буолуутугар сытар. Бу күн сиригэр ийэ оҕотугар тапталыттан күүстээх туох да суох. Үтүө санаа, сиргэ таптал оҕоҕо ийэ үүтүн кытта бэриллэр. Төһө да кэм аастар, ийэ тапталын билэн улааппыт киһи, ол санаата кини сүрэҕин сылааһынан илгийэ сылдьар.
Бу сааскы күн киһи аймах кэрэ аҥаардарын Кулун тутар 8 күнүнэн, Дьокуускай куорат Думатын уонна бэйэм ааппыттан, ис сүрэхпиттэн эҕэрдэлиирбэр көҥүллээҥ. Эһиэхэ кытаанах, чэгиэн доруобуйаны, дьолу-соргуну, тапталы, этэҥҥэ буолууну, барытыгар ситиһиини уонна саҥа саҕалааһыҥҥыт табылларыгар баҕарабын.
Дьокуускай куорат Думатын бэрэссэдээтэлэ Альберт Семенов
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)