20.09.2020 | 09:55

Көҥүл тустуу: биир боруонса

Көҥүл тустуу: биир боруонса
Ааптар: Киин Куорат
Бөлөххө киир

65 уонна 70 кг ыйааһыннаахтарга Саха сириттэн түөрт спортсмен кыаҕын холонно. Хомойуох иһин, кинилэртэн ким даҕаны иккис эргииртэн салгыы барбатылар. 

Балаҕан ыйын 10 күнүттэн Москва аттыгар Наро-Фоминскайга 21-дэригэр диэри саастаахтарга Арассыыйа көҥүл тустууга түһүлгэтигэр сүүрбэччэ саха кытынна.

Бу биэс күн устата ыытыллыбыт күрэхтэһиигэ биир эрэ бөҕөс – Егор Вензель (57 кг) финалга тахсары быһаарсар түһүмэххэ тиийдэ. Кини күүстээх чеченеһи ырааыстык ууран, эрэли улаатыннарбыта. Ол эрээри, финалга тахсыыга көрсүбүт бөҕөһүгэр күттүөннээх утарсыыны оҥорбото. Онон боруонса былдьаһыыга ким тахсарын күүтэр буолла. Атыттар кыайтарыы хомолтотун эрдэ билбиттэрэ. Хата үс бөҕөспүт утарсааччылара финалга тахсыбыттарынан, кинилэргэ уоскутар бөлөххө боруонса мэтээл туһугар киирсэр кыах бэриллибитэ.

Кинилэртэн Айаал Белолюбскай 10:4 ахсаанынан дагестанец Гаджимагомед Ахмедовы кыайан, салгыы хатыһыылаах киирсиигэ ааспыт сыллааҕы кыайыылааҕар хакас Роман Астанаевка (11:10) кыайбыта.

Онон Белолюбскай кыра финалга Вензельгэ тахсыбыта. Ити араспаанньаларыттан сэрэйиллэрин курдук, Уус Алдантан төрүттээх уолаттар киирсиилэригэр хайата да хоттордоҕуна, боруонса сахаҕа тиксэр буолта. Дыгын оонньууларын сэттэ төгүллээх кыайыылааҕын Иван Белолюбскай уола биир дойдулааҕын Егор Вензели 7:2 ахсаанынан баһыйда уонна боруонса мэтээл хаһаайынынан буолла.

Итинэн бу күрэхтэһиигэ соҕотох мэтээлинэн муҥурданныбыт. Сунтаар уола Харысхал Григорьев призердуур кыахтаах этэ. Кини бэйэтин биир дойдулааҕа Александр Авеловы 5:0 кыайбыта, ол эрээри Дагестантан сылдьар Башир Магомедовка 0:2 кыайтарда.

Финалга 2019 сыллаах Арассыыйа чемпиона тувинец Начын Монгуштан кыайан көмүскэммэтэ. Начын Магомед Абдурахмановка (Санкт-Петербург/Дагестан) 8:10 кыайтарда.

65 уонна 70 кг ыйааһыннарга бэйэлэрин күүстэрин Саха сириттэн түөрт бөҕөс тургутта. Кинилэртэн ким да иккис эргииртэн ырааппата. Атын ыйааһыннарга көрдөрүү, малтаччы эттэххэ, өссө мөлтөх. 

Саҥа призер аҕата аатырбыт боотур уолун маннык билиһиннэрдэ:

–Айаал тустуунан маҥнайгы кылаастан дьарыктанар. Арассыыйаҕа кыра саастаах оҕолорго уонна үөрэнээччилэр спартакиадаларыгар миэстэлэһэ сылдьыбыта. Билигин Олимпийскай резервэ училищетыгар аан дойдутааҕы кылаастаах маастар Павел Капитонов салалтатынан эрчиллэр. Сааһынан быйылгыттан эдэрдэргэ тустан бүтэр. Улахан дьоҥҥо былырыын хапсаҕайга Петр Алексеев кэриэһигэр өрөспүүбүлүкэ чемпионатыгар бастакы холонуутугар бастаабыта. Дьэ, көҥүл тустууга хайаһар?

Уолу “Манньыаттаахха” эрчиллэрин көрбүт тренер, аан дойду чемпиона Герман Контоев үлэһитин хайгыыр. 

Хаартыскаҕа: Арассыыйа саҥа призера Айаал Белолюбскай  аҕата “Дыгын оонньууларын” сэттэ төгүллээх чемпиона Иван Белолюбскайдыын.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Мария Мигалкина:   «Кэлии сиэмэлэринэн үлүһүйүмэҥ»
Дьон | 19.07.2024 | 10:00
Мария Мигалкина: «Кэлии сиэмэлэринэн үлүһүйүмэҥ»
Мин бүгүн ааҕааччыларбар, ордук хаһаайкаларга, 35 сыл үлэлээбит уопуттаах агроном, билигин биэнсийэлээх, дойдутугар сайылыы сылдьар Мария Семеновна Мигалкинаны кытта тэлгэһэтигэр тиийэн, үүнээйитин, сибэккитин көрө-көрө, дуоһуйа, астына кэпсэттим.   Сибэккигэ уоҕурдууну хото туттабын Бастатан туран ааҕааччыларга циния диэн сибэкки туһунан кэпсиэҕим. Урут биһиги “Циния обыкновенная” диэни олордор этибит, билигин “Циния кустовая” диэн...
Дьулустаан Ноговицын: ДЬУЛУС! ТУЛУС! КЫАЙ!
Дьон | 11.07.2024 | 10:00
Дьулустаан Ноговицын: ДЬУЛУС! ТУЛУС! КЫАЙ!
«Киин куорат» хаһыат бүгүҥҥү ыалдьыта – Туймаада туонатын Үрүҥ Тунах ыһыаҕын «Дыгын оонньуулара» күөн-күрэһин Таас Боотура, быйылгы күрэх муҥутуур кыайыылааҕа Дьулустаан Ноговицын.   Дьулустаан Ноговицын: – Дьокуускай куорат 1№-дээх баһаарынай чааһын байыаһа, төрөппүттэригэр соҕотох уол, эдьиийигэр быраат, тапталлаах кэргэн, үс оҕо амарах аҕата; – Мас тардыһыытыгар Саха Өрөспүүбүлүкэтин, Арассыыйа уонна аан...
Изабелла Попова: Сүрэхпэр сөҥөрбүт дьүөгэлэрим
Дьон | 19.07.2024 | 12:00
Изабелла Попова: Сүрэхпэр сөҥөрбүт дьүөгэлэрим
Арассыыйа үөрэҕириитин туйгуна, Саха сирин үөрэҕириитин бочуоттаах үлэһитэ, хас да кинигэ ааптара Изабелла Ильинична Попова бүгүн өрөгөйдөөх үбүлүөйүн көрсө өссө биир кинигэтин сүрэхтиир. Дьэ, кырдьык, сүрэхтиир... Сүрэҕин сылааһын иҥэрбит кинигэтин!   Ахтар-саныыр дьүөгэлэрим, Аламаҕай сэгэрдэрим, Саһарҕалаах сарсыардабын Сандаарытар куоларым!   Сүр... Сүрэх, сүрдээх, сүрэхтиир... Сахабыт тыла барахсан тугун бэрдэй! Биир тылтан силистэнэн-мутуктанан...