Күөх маайы уруйдуу көрсөбүт

Дьокуускай куорат уокуруктара, микрооройуоннара уонна кытыы нэһилиэктэрэ араас кэрэхсэбиллээх тэрээһиннэри бэлэмнии сылдьаллар.

Ол курдук, Кангалаас микрооройуона тэрилтэлэр флешмобтарын көҕүлүүр уонна эҕэрдэ пост таһаарыаҕа. Маҕан сэлиэнньэтэ массыынанан параадтан быһа трансляцияҕа тахсыаҕа. Марха микрооройуонугар пиэрибэй маай сибэккитин оҥорорго маастар-кылаас буолуоҕа. Пригороднайга иһитиннэрии пост, оттон Табаҕа сэлиэнньэтигэр араас сыллар демонстрацияларын хаартыскаларын түмэн, презентация бэлэмнииллэр. Тулагы-Киллэм нэһилиэгэр «Эйэ! Үлэ! Маай!» хаартыскаларынан онлайн параад буолуоҕа. Хатас нэһилиэгэр бырааһынньыгынан видеонан эҕэрдэ уонна «Үлэҕэ анаммыт олох» диэн Хатас бочуоттаах олохтооҕо Иван Михайлович Жирков туһунан биэрии көстүөҕэ.

Кылгастык билиһиннэрдэххэ, ыам ыйын 1 күнүгэр аналлаах тэрээһиннэр былааннара итинник. Барыгытыгар үтүө бырааһынньыгы, туһалаах сынньалаҥы баҕарабыт!