Күөх хонуу хайыһардьыттары ыҥырар

Кулун тутар 27 күнүгэр Күөх хонууга үгэс буолбут Бүтүн Арассыыйатааҕы  «Лыжня России-2021» XXXIX аһаҕас күрэхтэһии ыытыллыаҕа.

Манна ким баҕалаах кыттар, 17-гэр диэри саастаах оҕолор быраастан көҥүл ылаллара ирдэнэр. Пааспаргытын, полискытын уонна быраастан ыспыраапкалаах тиийэҕит. 

Маҥнайгы, иккис, үһүс миэстэни ылбыт спортсменнар өйдөбүнньүк мэтээлинэн уонна грамотанан наҕараадаланыахтара. “Саамай аҕа саастаах спортсмен” (эр киһи, дьахтар), “Саамай эдэр спортсмен” (кыыс, уол), “Спортивнай дьиэ кэргэн” анал бириистэр олохтонуохтара.

Күрэхтэһии ыытыллар сиригэр хайыһар прокатын пууна үлэлиэҕэ. Регистрация сарсыарда 10 чаастан саҕаланар. Кыттааччылары саастарынан хас да бөлөххө араарыахтара. Кыайыылаахтары уонна призердары наҕараадалааһын сиэрэ-туома тута ыытыллан иһиэҕэ.