Ийэ тапталынан төлөнөр (притча)
![Ийэ тапталынан төлөнөр (притча)](https://kiinkuorat.ru/wp-content/uploads/2023/03/dKA5yBB8k6.jpg)
Биир киэһэ ыал ийэтэ куукунаҕа ас астаан түбүгүрэ сырыттаҕына, 11 саастаах уола кумааҕыга тугу эрэ суруйан аҕалбыта. Дьоһумсуйан туран, онтун ийэтигэр туттарбыта.
Ийэтэ, илиитин соттон баран, ааҕан саҕалаабыта: «Мин үлэлиирим иһин төлүүгүт: тиэргэни сиппийдэхпинэ – 5 солкуобай, хоспун хомуйдахпына – 10 солкуобай, балтыбын көрдөхпүнэ (нэдиэлэҕэ үстэ) – 15 солкуобай, «5» сыананы ыллахпына – 5 солкуобай, киэһэ аайы бөҕү таһааран тохтохпуна – 7 солкуобай. Барыта холбоон: 42 солкуобай».
Ийэтэ, ааҕан баран, уолун диэки көрбүтэ, онтон уруучука ылан кумааҕы кэннигэр суруйбута: «Эйигин испэр 9 ый илдьэ сылдьыбыппар – 0, ыалдьа сыппыт түүннэргэр харахпын симпэккэ бүөбэйдээбиппэр – 0, хомойбут күннэргэр эйигин уоскуппуппар, үөрдэ сатаан саатаппыппар – 0, эн хас хараҕыҥ уутун соппуппар – 0, сарсыарда, күнүс, киэһэ аайы ас астыырбар, оскуолаҕа ыһык уган ыытарбар – 0, олоҕум тухары хас саҥа күммүн эйиэхэ аныырбар – 0. Барыта холбоон: 0».
Суруйан бүтэн баран, ийэ, мичээрдии-мичээрдии, оҕотугар биэрбитэ. Уолчаан ааҕа туран хараҕыттан бөдөҥ таммахтар сүүрэн түспүттэрэ, онтон кумааҕы кэннигэр бөдөҥ буочарынан суруйбута: «Ийэ тапталынан төлөммүтэ». Итиэннэ ийэтин моонньуттан кууспута уонна сирэйин кистии-саба туттуммута...
Ханнык баҕарар сыһыаҥҥа үтүөнү-өҥөнү ааҕан бардахха, барыта бүтэр... эбэтэр таптал туох да хос санаата суох, таптал аахсары билиммэт.
Айыына Ксенофонтова тылбааһа
Сонуннар
Ордук ааҕаллар
![Мария Мигалкина: «Кэлии сиэмэлэринэн үлүһүйүмэҥ»](/thumbnails/600/300/wp-content/uploads/2024/07/zgV1bKwtkp.jpg)
![Изабелла Попова: Сүрэхпэр сөҥөрбүт дьүөгэлэрим](/thumbnails/600/300/wp-content/uploads/2024/07/08bzwt1DHL.jpg)
![Баһаар буруйдааҕын тыллыаҥ — наҕараада ылыаҥ](/thumbnails/600/300/wp-content/uploads/2024/07/FtpkFiKGrd.jpg)
![Саха сиригэр мелиорация үлэтэ саҕаламмыта 75 сылын туолла](/thumbnails/600/300/wp-content/uploads/2024/07/6LP5o124wA.jpg)